Skip to main content

Timmisartuaraq Kulusuliartoq tammaaneqartoq

Timmisartuaraq Keflavikkimit Kulusuliartoq sisamanngornermi nalunaaqutaq 14.00-p missaani kingullermik tusarfigineqartoq Naviair ilisimatitsivoq

Timmisartuaraq ataatsimik ilaasoqartoq Keflavikkimit Kulusummukartoq sumiinnersoq suli ilisimaneqanngilaq. 

Timmisartuaqqamit kingullermik sisamanngornermi nalunaaquttap 14.00-ip missaani tusartoqarpoq. 

Timmisartoq annaassiniartartoq ujaarlissaaq silaqqissappat tallimanngornermi nalunaaqutaq 07.00.

Timmisartunik attaveqartartoq Naviair timmisartuaqqap Kulusummut mingajalernerani kingullermik tusarfigaa sisamanngornermi 18.00-ip missaani. Timmisartuaraq tusarfigineqaqqinngimmat ingerlaannartumik annaassiniaasartut nalunaarfigineqarput, silarlunnerali pissutaalluni kinguartittariaqarluni. 

Silarluttoq
- Timmisartuaraq Kulusummut tikingajalersoq kingullermik tusarfigaarput. Taassumalu nalaani timmisartuaqqamik ujaarlertoqassaaq, Naviairimi ataqatigiissaarisoq Camilla Hegnsborg Sermitsiaq.AGmut oqarpoq. 

- Silap pitsaannginnera pissutaalluni qulimiguullit timmisartullu annaassiniaasartut suli ujaarlinngillat. Ippassaq pujortorujussuuvoq ullumilu anorlingaatsiarluni. Neriuutigaarput qulimiguulimmik ujaarlersinnaassalluta ullumi nalunaaqutaq 7.00-imiit (kalaallit nalunaaqutaat naapertorlugu), Camilla Hegnsborg oqarpoq. 

Timmisartuaraq sunarpiaanersoq ilisimatitsissutigineqanngilaq. Timmisartuaraq inummit pigineqarpoq, timmisartuararlu aamma suminngaanneersuunersoq ilisimaneqanngikkallarpoq. 

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER