Skip to main content

Nunaatillit aningaasartuunneqarnikkut tapiiffigineqartut

Nunalerinermut aningaasaliissutit 15 million koruunit ukiunut tulliuttunut aningaasartuutigineqartut

Ukiuni tulleriinni aningaasat atorneqartussat nunalerinermut aningaasanik tapiisoqassaaq. 

Narsap Katersortarfiani aggustip 29-ani ataatsimiittoqarnerani saqqummiunneqarpoq. 

Nunaleriffik pillugu sammisaqartitisoqarpoq, annermik nunalerinermut ataatsimiititaliarsuup isumaliutissiissutaa naammassineqaqqammersoq tunngavigalugu, tusagassiutinut nalunaarummi allaqqasoqarpoq. 

Ataatsimiinnermi Kommune Kujallermit aaqqissuunneqartumi peqataapput Naalakkersuisoq Finn Karlsen kiisalu Kommune Kujallermi Borgmesterip tullia Simon Simonsen. Tamatuma saniatigut savaatillit, nersutaatillit, naatsiianik naatitanillu naatitsisartut qassiiit kiisalu Aalisarnermut, Piniarnermut Nunalerinermullu Naalakkersuisoqarfimmi Kommune Kujallermilu atorfilittat qassiit peqataapput.

Pilersaarutit
Nunalerinermut Ataatsimiititaliarsuup siulittaasuata Palle Høyip ataatsimiititaliarsuup isumaliutissiissutaa saqqummiuppaa, isumaliutissiissutikkullu inuussutissarsiutip killiffia kiisalu inatsisit nutarterneqartariaqarnerat, aningaasartuutikillisaanerit aammalu siunissami aningaasaliissutigisariaqakkat saqqummiunneqarput. 

Finn Karlsen oqalugiarnermini nalunaarpoq 2015-imut Aningaasanut Inatsit ukiaanerani katersuunnermi oqaluuserineqartussaq aqqutigalugu 15 million koruuninik nunalerinermut aningaasaliissuteqarnissaq Naalakkersuisunit sulissutigineqarmat. Tassunga tunngatillugu Simon Simonsenip erseqqissarpaa nunalerinerup ineriartorteqqinneqarnerani patajaallisarneqarneranilu Kommune Kujalleq peqataalluarniarumaartoq.

Tamanit isumaqatigiissutigineqarpoq Neqi A/S-ip nutarterneqarnera kinguneqarluassappat nunalerinermi atugassarititaasut ilanngullugit aamma ineriartortitsiffigineqartariaqartut.

Inuussutissarsiutip ineriartortinneqarnissaa pillugu isummat assigiinngitsut oqaliuuserineqarput, soorlu naatitsiviliornermut aningaasaliissutit, erngup seqerngullu nukingisa atorluarneqarnerunissaat kiisalu uumasut inaasa nutarterneqarnerisigut nutaanillu sanaartornikkut nioqqutissiornerup nukittorsarneqarnera.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER