Piniartut

Kujataani piniartut ajornartorsiortut

Nunaqarfiit kujallersaanni Narsarmijini piniartut, ilaatigut puisaasannera orsussallu akitsornera pissutigalugit, inuuniarnikkut ajornartorsiorput

Narsarmijit Kalaallit Nunanni nunaqarfiit kujasinnersaraat

Kalaallit Nunaanni nunaqarfiit kujallersaanni Narsarmijini, piniarnermik inuussutissarsiuteqartut siunissaat ernumanartoqartinneqarpoq.

Kujataani puisinniarneq piniartunut pingaaruteqarluinnarpoq. Ukiulli kingulliit ingerlaneranni sumiiffiit ilaanni puisit ajornarsiartuinnarput. Tamannali kisimi ajornartorsiutaanngilaq – tassami ukiut kingullit sinerissap qanittuani sikorsuit ingerlaartarnerat aamma allanngoriartorpoq. Tamannalu aamma inuussutissarsiornermut aningaasarsiornermullu sunniuteqarnerluppoq. Tamakkuli qaavisigut orsussap akiata qaffannera piniartunut ernumalersitsilunilu ilungersunartorsiortitsilerpoq.

Pissutsit tamakku nunaqarfimmi Narsarmijini 100-t inorlugit inulimmi ilaqutariit piniartukkormiut inuuniarnerminni ilungersunartorsiornerulernerannik kinguneqarput. Nunaqarfimmi inuuneq nuannersoq aamma toqqissisimanartoq ernumanermik nikallunganermillu taarserneqariartorpoq.

Allaaserineqartoq Tamanut Kujataanimi atuarneqarsinnaavoq. Kommunimi Kujallermi pisartut aamma aviisimi atuarneqarsinnaapput. Aviisi akeqanngitsumik ataani aaneqarsinnaavoq:

Powered by Labrador CMS