Skip to main content

Nuna marloriarluni sajorujussuarmat anitsilernissaa ersissutigineqalerpoq

Islandimi qaqqaq innermik anitsisartoq anitsisilersimasinnaavoq. Nalornissutigineqarpoq magma nunap qaavanut appakaatissanersoq. Air Greenlandip pisoq malinnaaffigeqqissaarpaa

Islandimi meteorologiske instituttimi geofysikerit nutaarsiassaqartitsivimmut dpa-mut oqarput nunami qaqqat anitsisartut annersaata, Bardarbunga-p, ataani nunap sajunneri sakkortuut marluk uuttorsimallugit, ersissutigaallu taanna innermik aniatitsilissasoq.

Qaqqap anitsisartup eqqaani silaannaq matuneqarpoq, Islandimilu meteorologiske institut mianersoqqussummik aappalaartumik kalerrisaarivoq, mianersoqqussutit qaffasinnersaanni.

– Nunap sajunneri 5,3 aamma 5,1-imik sakkortussuseqarputr. Sapaatip akunnerani kingullermi sajuppillannerit sakkortunersaraat, ilimanarporlu qanittukkut innermik anitsilissasoq.

Tassa imaappoq qularnanngilaq arsakumik annertuumik silaannarmut aniasoqassasoq, Islandip meteorologisk instituttiani geofysiker Gunnar Gudmundsson oqarpoq. Gudmundssonili naapertorlugu ilisimatuut tamatuminnga malinnaasut, nalornissutigaat annertuumik innermik aniatitsilissanersoq, nalornissutigineqarporlu magma nunap qaavanut appakaatissanersoq. Magma tassaavoq qaqqaq imerpalasoq, nunap qaavanut pigaangami lava-ngortartoq.

Sapaatit akunnerini kingullerni tusinilikkaanik nuna sajulaartarsimavoq, qaqqaq innermik anitsisartoq, sermip Vatnajökull-ip ataaniittoq, sajuppillatsittarlugu. Arfininngormat nunap sajunnera sakkortunerpaaq 4,5-imik sakkortussuseqarpoq.

Islandimiut sinerissamik nakkutilliisoqarfiannit timmisartup qaqqaq innermik anitsisartoq qulaajarsimavaa, sermilli qaavani qanoq pisoqarneranik malussarsimanani. Qaqqaq annertunerusumik anitsilerpat tamanna timmisartuussinermik annertuumik eqquisinnaavoq, soorlu 2010-mi taamaassimasoq. Taamanikkut qaqqaq innermik anitsisartoq Eyjafjallajökull innermik anitsivoq arsanillu silaannarmut aniatitsilluni.

Taamaasilluni Europami aammalu Atlantikoq qulaallugu USA-mut timmisartuussineq sapaatit akunnerini arlalinni annertuumik akornusersorneqarput.

Qaqqaq innermik anitsilissappat tamatumuuna timmisartuussinermik akornusersuinissaanut anorip suminngarnera apeqqutaassaaq. Ajornerpaaguni nunap iluani avammullu timmisartuussineq akornusersorneqarsinnaapput.

AG-p sapaatip akunnerani saqqummersup qaqqaq innermik anitsisartoq Bardarbunga kiisalu Air Greenlandimi upalungaarsimaneq taassumalu ineriartornermik malinnaanera annertunerusumik allaaseraa.

 

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER