Arsaannermi GM
GM-imit assit takukkit: Semifinalini unammisussat inissipput
Timersoqatigiiffiit pissartanngorniunnissamut anngunniuttussat pingasunngornermi unamminerni inissinneqarput - angusat takukkit
(Naqqiissut nalunaaqutaq 15.59 iluarsineqarpoq. Inissinniunnerit sisamanngornermi pisussaagaluit tallimanngornermut nuutsinneqarput)
Timersoqatigiiffiit sorliit pissartanngorniunnissamut anngunniutissanersut pingasunngornermi unamminerit aallartinnginnerini pissanngatigineqarpoq. Pulje 2-mi unammisut tamarmik ingerlariaqqinnissamut periarfissaqarmata.
Pulje 2-mi Qeqertarsuarmeersut G-44 Nagtoralik Paamiuneersoq unammivaat. Tamarmik unamminermi ajugaasinnaagunik ingerlariaqqinnissamut periarfissaqarput. Qeqertarsuarmeersut 2-0-mik ajugaapput.
Taamaattumik NÛK unamminermi kingullermi ajugaasariaqalerpoq. FC Malamuk Uummannameersumut ajugaasariaqarput, FC Malamuk puljemi unammilinnginermi siuttuuvoq. Tassani Uummannarmiut 2-0-mik ajugaapput.
Taamaasilluni kikkut ingerlaqqissanersut paasinarsivoq, Pulje 2-mik FC Malamuk ajugaavoq arfineq marlunnik pointeqarluni, G-44 aamma pissartanngorniunnissamut anngunniunnissamut anngulluni.
Tallimanngorpat semifinalit ingerlanneqassapput.
Ingerlaqqittut
Pulje 1-mi Eqaluk 54 Tasiusameersoq IT-79-mut Nuummeersumut unammivoq. GM-ertoqarnerani nunaqarfimmiut siullermeerlutik isertitsigaluarput, IT-79-ili 4-1-mik ajugaavoq.
B-67 aamma nuummeersoq Nagdlunguamut Ilulissaneersumut unammilinnginnermi semifinalini unamminissani qulakkeeqqapajaareerpaa. Ajorsaraluarunilluunniit ingerlaqqissinnaallutik. Unammineq naligiiffiuvoq tamarmik ataaseraarlutik.
Pulje 1-mi B-67 ajugaavoq, IT-79-lu aamma ingerlaqqilluni.
Taamaasilluni semifinalini kikkut unammissanersut paasinarsivoq.
Pulje 1-mi ajugaasut B-67 puljep aappaani aappaattut inissittut unammissavaat, kiisalu FC Malamuk IT-79-ilu pissartanngorniunissamut anngunniunnermi unammissallutik.
Semifinalit tallimanngorpat ingerlanneqassapput, unammineq siulleq 17.00 aallartissalluni aappaalu 19.00 aallartissalluni.
Pissartanngorniunnissamut anngunniuttussat sisamanngornermi qasuersaarput, ingerlariaqqinngitsoortullu sisamanngornermi inissinniunnerni unammissallutik.
Pingasunngornermi angusat:
- FC Malamuk 2 : 0 NÛK
- Nagtoralik 0 : 2 G-44
- B-67 1 : 1 Nagdlunguak
- Eqaluk 54 1 : 4 IT-79
Puljekkaarnerit ima inissipput:
Pulje 1 Unamm. Isert. Isertiffi. Points
B-67 3 10 1 7
IT-79 3 7 6 6
Nagdlunguak 3 8 4 4
Eqaluk 54 3 1 15 0
Pulje 2 Unamm. Isert. Isertiffi. Points
Malamuk 3 8 3 7
G-44 3 5 3 5
NÛK 3 2 4 2
Nagtoralik 3 2 7 1
- Unamminissat tullinnguuttut:
Tallimanngornermi inissinniunnerit:
- 13.00 Eqaluk 54 - Nagtoralik
- 19.00 NÛK - Nagdlunguak
Pissartanngorniunnissamut anngunniuttut:
Tallimanngorneq
- 15.00 B-67 - G-44
- 17.00 Malamuk - IT-79
Unamminerit amerlanerpaartaat KNR-TV-mit toqqaannartumik aallakaatinneqartassapput.
Sermitsiaq.AG angusanik saqqummiussissaaq
Assit ataani takukkit