Kunngikkormiut tikeraarnerat
Assit takukkit: Sakkutuut timmisartuisa kunngissakkut qulaaqqukkaat
Sakkutuut timmisartui F16-it kunngikkormiut umiarsuaat Dannebrog qulaaqqukkaat
Ilimanarpoq arfineq pingasunik ukiulik prins Christian qatanngutaatalu sakkutuut timmisartui F16-it kunngikkormiut umiarsuaat Dannebrog qulaammassuk tupigusussimassasut.
Timmisartut pingasut umiarsuaq qulaaqquppaat nalunaaqutaq 15.50 marlunngormat.
Kunngikkormiut umiarsuaat Nuummut sisamanngorpat tikissaaq.
Kunngissaq ilaqutaalu tallimanngorpat pisortatigoortumik Nuummi tikeraarlutik aallartissapput.
Misilittaanerit
Sakkutuut Issittumi suliassariligassaannut atatillugu Nunatta Kitaani sapaatip akunnerani matumani timmisartumik F-16-imik timmisartortoqassaaq.
Issittup annertuumik misissuiffigineqarnissaata ilaatut timmisartornissaq misilittaanertut. Misissueqqissaarnissamilu pineqartumi Nunatta eqqaani immami nunamilu siunissami suliarineqartartussat ilaatinneqarput.
Issittumi Sakkutooqarfik Sermitsiaq.AG-mut nalunaarpoq avannaani nunaqarfimmi Oqaatsuni sakkutuut timmisartuinik qulaaqquttoqassasoq pingasunngornermi nalunaaqutaq 15.00-ip missaani.
Ilulissat eqqaanni pujorpallaanngippat aamma illoqarfik qulaanneqassaaq.
Timmisartut Thule Air Basemit aallarput.
Assit ataani takukkit