Skip to main content

Arsaannermi GM: B-67-ip U18-ertai oqaluttuarisaanermut ilannguttut

B-67 Nuummeersoq Uummannami U18-it GM-erneranni pissartanngorput. Assit takukkit

B-67 Nuummeersut ukiut tallimat ingerlatiinnarlugit arsaannermi U18-ini pissartanngorpoq, 2009-milu kingullermik ajorsarlutik. B-67 K-33 Qaqortumeersumut 3-0-mik ajugaavoq. Tallimanngornerup ullaani unammipput. 

Unammineq nalunaaqutaq qulinut aallartippoq. Aallartiaarput K-33-imi arsaattartut nalunaaqutaq 14.00 timmisartoqarfimmeereertussaanerat pissutaalluni. B-67-ip arsaanneq aquppaa 3-0-millu ajugaalluni. Pissartanngorniunnermi ataasiaannarlutik isertitsiffigineqarput namminerlu 21-aq isertitsillutik. 

Sungiusaasut piukkorissut
Ukiuni arlaqartuni B-67-ip U18-ertai angusarissaartarput. Kingullermik 2009-mi ajorsarput, tassani semifinaalimi ajorsarlutik. Pingasoriarlutik naligiinnikuupput. 

- Sungiusaasunik pikkorissunik sullissilluarnitta pissutigisaanik angusarissaartarpugut. Qujanartumik sungiusaasut pitsaasut suleqatiginikuuagut ukiut ingerlanerini, taakkulu pissutaallutik arsaattartugut arsaatillaqqittunngortarput, B-67-ip isikkamik arsaattartut immikkoortoqartarfiani siulittaasoq Christian LaursenSermitsiaq.AG-mut oqarpoq.

U18-it upernaaq futsalimik unammineranni B-67 aamma K-33 finalerput, tassani B-67 aamma ajugaavoq. 

Bronzennanniunnerit inissinniunnerlu tallimanngornerup ualinerani ingerlanneqassapput. 

Assit ataani takukkit

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER