Skip to main content

Qanoq akisutigaa

Karl Kristian Kruse-p ilinniartunut internetti akeqanngitsoq siunnersuutigaa

Siumut tunuliaqutaralugu Inatsisartunut ilaasortaq Karl Kristian Kruse isumaqarpoq internetti ilinniagaqartunut ima pingaaruteqartigimmat akeqanngitsumik atorsinnaasariaqaraat.
Paragraf 37 naapertorlugu apeqquteqaammini paaserusuppaa ilinniagaqarfinni tamani kiisalu kollegiani tamani internetti akeqanngitsoq atortinneqalissappat qanoq akeqassanersoq.
Apeqquteqaanni tunngavilerpai siunissami ilinniartut amerlanerusut sulisartullu ilinniarsimasut amerlanerusut atorfissaqartinneqassammata.
– Ullunilu makkunani attaveqaatitigut ineriartorsimanerup kiguneranik nunarsuarmioqataanermi internet pinngittoorneqarsinnaajunnaarsimavoq, ilinniarnermilu paasissutissarparujussuit sakkussarparujussuillu pissarsiarineqarsinnaallutik.
Karl Kristian Kruse isumaqarpoq aningaasat ilinniagaqartitsinerup nukittorsarnissaanut atorneqartussat ilaat internettimik akeqanngitsumik atuilersitsinermut atorneqassasut. Tamatumunnga atatillugu isumaqarpoq ilinniagaqartut amerlanerulissasut, internetti akeqanngitsoq atorneqarsinnaalerpat.
– Ilinniartut ineqarfiini pingaartorujussuartut oqaatigisariaqarpoq ilinniarnerup nalaani internet pinngittoorneqarsinnaajunnaarsimasoq, taamaattumik internet najugaqarfinni akeerutsinneqarpat pisariaqartitatsinnut ilinniarsimasunik siunissami annertuumik kinguneqarluarsinnaasoq takusinnaavara, ilinniartunullu annertuumik oqilisaassissussaalluni, taanna oqarpoq.


 

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER