Skip to main content

Assit: Nuummi ilinniarnertuunngortut allagartartaartut

Qeqqata Ilinniarnertuunngorniarfiani assigiinngitsunik akissarsititsisoqarpoq

Qeqqata Ilinniarnertuunngorniarfiani Nuummiittumi atuartut 120-t allagartartaartinneqarput. Atuarfiup inersuani allagartartaartitsineq ingerlanneqarpoq, ilaqutaasut peqataallutik. 

Atuarfimmi rektori oqalugiareermat ilinniartut naammassinerannut uppernarsaataat tunioraanneqarput. 

Kommuneqarfik Sermersuumi borgmesteri Asii Chemnitz Narup atuartunut akissarsisunut tunniussisuuvoq. Malene Olesen Jørgen Lyngelu akissarsitinneqarput. Ikinngutaalluarnerat ikiuiumatuujunerallu ilaatigut tunisinermut tunngavilersuutigineqarpoq.

Atuartunut angusarissaartunut kiisali ilinniarnermi ingerlassilluartunut NunaFonden akissarsititsivoq. 

Angusarissaarluarnerpaat pingajuattut  toqqarneqarpoq Kristian Rosing agguaqatigiisillugu 9,6-mik karaktereqartoq 3.000 koruuninnapppoq, angusarissaarnerpaa aappaat Maaliaaraq Engell 9,8-mik karaktereqartoq 5.000 koruuninnappoq, kiisalu agguaqatigiisillugu 10,4-mik karaktereqartoq Malene Olesen 10.000 koruuninnalluni.

Atuaqatiminnut maligassiuilluartutut ilinniarnerminnillu paarsilluartut aamma akissarsitinneqarput. Pernille Kleemann 8.000 koruuninnappoq, Karla Poulsen Andersen 10.000 koruuninnalluni. 

Ilinniartitsisut aamma atuartunut akissarsititsipput, Edvard Skade, Maaliaaraq Engell, Karla Poulsen Andersen kiisalu Pipaluk Møller akissarsitinneqarlutik. 

Assit ataani takukkit

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER