Skip to main content

Assit takukkit: Unamminissat tamaviaanassapput

Assammik arsarluni nunanut allanut unammisartut Amerikap Nunavissuani pissartanngorniunnermi Uruguay-mi ingerlanneqartumi ataasinngorpat ualikkut unammeeqqaassapput

Kalaallit Nunaata pulje-qatigai Argentina, Chile Mexicolu, ataasinngorpallu nunatta nalunaaqutaa malillugu 19.00 Argentina unammissavaa. Ataasinngorpat unamminissat allat marluk pulje-p aappaaneersuupput, tassani siullermik Brasilia Venezuela-lu unammissallutik, tulilullutillu USA Guatemala-lu unammissallutik.

Sungiusaasoq mianersortoq
Nunanut allanut unammisartut sungiusaasuata Niels Møllerip Sermitsiaq.AG-mit oqaloqatigineqarluni isertuutinngilaa unamminissat tamaviaarniassaqisut.
– Taamaallaat pulje-mi unamminermi kingullermi Mexico-mut ilimagineqarpugut. Mexico inuusuttunik sungiussisimanngitsunik unammisartoqarpoq, ajugaaffigisinnaalluarpagullu. Mexico piumassuseqarluni unammisarpoq, taamaattumik ajugaassagutta tamaviaassaagut. Argentina-mut Chile-mullu unamminissat ajornakusuussapput.
– Argentina quleriarluta unammigutsigu iluatsitsigutta ataasiarluta ajugaasinnaavugut. Unammisartui nunani tamalaani unammiuaarnernit misilittagaqarput, ilarpassuilu Europami klubbini pitsaasuni unammisartuupput. Oqaatigineqartareersutut unammineq pingaarneq tassaavoq pingasunngorpat Chile-mut unamminissarput. Chile unammisartugissaarpoq. Argentina-tut nunani tamalaani unammiuaarnernit misilittagaqarput tamatigullu piareersarluarsimasarlutik. Holdi ilaatigut sivisuumik Europami sungiusarsimavoq, Tysklandimilu Danmarkimilu klubbinut kakkannernut sungiusaatigalugu unammisarsimallutik. Holdip immaqa sanngiillissutigisinnaavaa qatanngutigiit Feutchmann-ikkut pingasut, nunanut allanut unammisarsimaqisut, peqataanngimmata sungiusaasumik aaqqiagiinngissuteqarnertik pissutigalugu. Tamanna uagutsinnut periarfissaasinnaavoq, ilanngullugu unammisartuvut pingaarnerit misilittagaqarnerulersimammata.

Uggornartoq
Nunanut allanut unammisartut Miki Heilmann-ip, Miilu Rosingip Jakob Larsenillu peqataasinnaannginnerat suli malugaat. Sungisarnermi unammeqatigiiilluarsinnaanerpaat nassaariniarneqarput. Ukiut marluk, taamanikkut pissartanngorniunnerit Argentinami ingerlanneqarnerannut, sanilliullugu nunanlut allanut unammisartut qulingiluanik nutaartaqarput. Unammisartut tamaviaarullugu sungiusarput, taamaattumik tagiartuisartoq Berit Duus unammisartunik passussiuarpoq. Mannali tikillugu qujanartumik erloqinartumik ajoqusertoqanngilaq.

Estadio Sergio Matto
Unamminerit ingerlanneqassapput illoqarfiup Canelones-ip unammisarfiani, atilimmi Estadio Sergio Matto. Canelones 20.000-t missaannik inoqarpoq. Unammisartut Montevideo-mi akunnittarfiannit Caniliones-imut busserneq akunnerup ataatsip missaanik sivisussuseqarpoq. Aaqqissuussisut unammmiuaarnissamut piareersarlugu ulapipput.
 

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER