Skip to main content

Assartugassalerisut naammassisut aatsaat taama amerlatigaat

Assartugalerisut aatsaat taama amerlatigisut naammassinerat Mittarfeqarfinnit nuannaarutigineqarpoq

Kalaallit Nunaanni Mittarfeqarfiit ukiorpassuarni assartugalerisut amigaatiginavianngilaat. Tassami  ilinniartut qulit ilinniarnerminni allagartartaarput, aatsaallu taama amerlatigisut naggataarnersiorlutik, Mittarfeqarfiup nalunaarutigaa.

Siorna marluk allagartartaarput.

- Ukiuni kingullerni ilinniartut amerlassusaat nikerarpoq, ukioq manna amerleriarujussuarlutik. Tanngassimaarutigalugit qungujulanaanngitsuunngilaq. Assigiinngitsorpassuartigut pikkorissartinneqarsimapput soorlu ikuallattoornermi annaassiniarnermilu ilaatigut sungiusartinneqarlutik aamma immakkut annaassiniarneq isumannaallisaanermi sungiusarneqarpoq, Steen Rohde oqaluttuarpoq.

Ilinniagaqarneq ukiut pingasut sivisussuseqarpoq, maannalu ilinniartut Kalaallit Nunaata Mittarfeqarfiini naammassivinnginnerminni suliffimmik misiliissapput. 

Pingaarutillit 
- Mittarfeqarfinni assartugalerisut sulisuupput pingaaruteqarluinnartut. Suliassat suulluunniit suliarisarpaat, amerlasuullu ikuallattoornermi, annaassiniarnermi, AFIS-imi imaluunniit mittarfinni ingerlatsisunngortarlutik ilinniaqqittarput. Taamaammat nuannaarutigeqaarput taama amerlatigisut assartugalerisutut ilinniagaqalerusuttarmata, Mittarfeqarfiit attaveqatigiinnermut ingerlatsisua, Hans Henrik Lichtenberg tusagassiutinut nalunaarummi oqarpoq.  

Nuummi Savimminilerinermik atuarfimmi allagartartaarmata ilaqutaasut ikinngutaasullu peqataapput. Kalaaliminernik kaaginillu sassaalliisoqarpoq.

Assit sisamat ataani takukkit 

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER