Skip to main content

Assit: Maniitsoq ivigaasanik arsaattarfittaarpoq

Maniitsumi arsaattarfittaap atoqqaarfissiornera persuarsiutigineqarpoq

Maniitsumi ivigaasanik arsaattarfittaaq ’Enok-ralaap arsaattarfia’-nik atserneqarpoq, meeqqanit inuusuttuniillu atorluarneqalereerpoq. Arsaattarfittaaq 20 x 40 meterinik angissuseqarpoq, illup iluani timersortarfittut angissuseqarluni. Pisortatigoortumik ammarneqarmat inuppassuarnit malinnaaffigineqarpoq. 

Ivigaasanik arsaattarfittaap atoqqaarfissiorneqarnerani ingerlaaqatigiittoqarpoq erfalasulisartoqarluni aammalu pisortatigoortumik oqalugiartoqarluni. Kâgssagssummi ukiorpassuarni siulersuisuni ilaasortaasimasoq Enok Berthelsen arsaattarfimmut atsiunneqarpoq, ’Enok-ralaap arsaattarfia’-mik ateqalerluni. 

Qeqqata Kommuniani borgmesterip tullia ilaatigut oqalugiarpoq, timersoqatigiiffimmullu  Kâgssagssummut attuumassuteqartut aamma oqalugiarlutik. Atoqqaarfissiornermi silaqqippoq nuiaqarnani. 

Utoqqaat peqatigiiffianneersut Paarnguliarfimmeersut siullersaallutik arsaattarfittaami unammitinneqarput. 

Ivigaasanik arsaattarfittaaq 300.000 koruuninik akeqarpoq, Kâgssagssuup saniatigut Cairn Energy, Qeqqata Kommunia aamma Royal Arctic Line aningaasatigut tapeeqataallutik. 

Assit ataani takukkit

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER