Skip to main content

Taamaammat Nuummi qatserisartut kalerrippaat

Nuummi Qapiarfiusaami inissiat ilaat pingasunngornermi ikuallaleraluartoq erngiinnaq qaminneqarpoq

Inuit pingasut putsumik iioraasimanermut misissorniarlugit Dronning Ingridep napparsimmavissualiaanneqarput Nuummi Qapiarfiusaami pingasunngornermi ualikkut ikuallattoqarnerani. Ikuallanneq qatserisartut qamikkasuarpaat.

Qapiarfiusaami Blok 37-mi ikuallanneq pillugu Nuummi politiit nalunaaqutaq 16.06 nalunaarfigineqarput. Qatserisartut arlallit ambulancet politiillu ikuallaffiusumut ornigukkasuarput. Inuit pingasut inimi ikuallartumi isersimasimasut ernerlugit Dronning Ingridep napparsimmavissualiaanneqarput.

- Ajoqusertoqarsimaneranik nalunaarfigineqanngilagut. Kisianni naliginnaasumik periusiuvoq inuit inimi ikuallattumiissimasut putsumik iioraasimasutut misissoqqissaarneqartarnerat, Nuup politiivini pigaartuusoq Brian Thomsen Sermitsiaq.AG-mut oqarpoq.

Ikuallanneq annikitsuinnaavoq ingerlaannarlu qaminneqarluni.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER