Skip to main content

Grønlandsbanken aatsitassarsiortunut taarsigassarsisitsiniarpoq

Aatsitassarsiortitseqatigiiffik True North Gems Qeqertuatsiaat eqqaanni aatsitassarsiorfissaminut aningaasalersuinissap ilaanik qulakkeerivoq

Grønlandsbanken aatsitassarsiorfimmut True North Gemsimut 1 million koruuninik atukkiisinnaanermik ilimasaaruteqarpoq. Aningaasat Qeqertarsuatsiaat eqqaanni Aappaluttumi rubinisiorfissap piareersarneranut atorneqassapput. Grønlandsbanken neriuppoq aningaasaliiumasut suli arlaqarnerusut peqataasinnaajumaartut.

Canadamiut aatsitassarsiortitseqatigiiffiat True North Gems rubininik atuisinnaanermut martsimi akuerineqarpoq. Suliffeqarfiup neriuutigaa ukiormanna aallartisalereersinnaanissani aatsitassarsiorfissap piareersarneranut aningaasaliisussat pissarsiarineqarsinnaassappata. True North Gems, Kommuneqarfik Sermersooq aamma namminersorlutik oqartussat IBA-mik taaneqartumik isumaqatigiissutissamik inaarsaaleruttorput tassanilu aalajangersorneqassaaq nunaqavissut suliffeqarfiisa atorneqarnissaat.

Suliniut tutsuiginartippaat
Aatsitassarsiorfissap piviusunngortinnissaanut annertuumik maanna alloriartoqarpoq Grønlandsbanken ilimasaarimmat 1 millioner koruuninik suliffeqarfimmut taarsigassarsititsisinnaalluni.

- Aningaasat naammatsinnissaat ilimagaarput, toqqaannartumik aningaasaliinertigut aammalu assigiinngitsutigut atukkiinertigut. Tassunga atatillugut nuannaarutigaarput Grønlandsbankenip suliffeqarfinnut aningaasanik atukkiutaasartunik atukkiiumanera. Suliniummut upperinninertik iliuuseqarnermikkut takutippaat, True North Gems Greenlandimi pisortaq Bent Olsvig Jensen oqarpoq.

Ulluinnarsiutaanngilaq aatsitassarsiorniartunut Grønlandsbankenip taarsigassarsititsisarnera.

- Grønlandsbankenimi piiaanernut tunngatillugu ilisimasagut killeqarput taamaattumillu toqqaannartumik suliniutinut aningaasaliissanata, kisiannili True North Gems-ip piiaaviliorniarnera pimoorussamik suliaavoq inuiaqatigiinnullu aamma pingaaruteqarluni tapersersortarialik. Suliffeqarfinnut atukkiutaasartunik aningaasanik atukkiinerput piiaaviliorniarnermi akissat ilaminiinnaraat, neriuppugullu una suliniut piiaaviliassat siullersariinnaraat, Grønlandsbankenimi pisortaq Martin Kviesgaard oqarpoq.

Aningaasaliiumasinnaasut Københavnimi pingasunngornermi isumasioqatigiisinneqassapput inuussutissarsiornermut, aatsitassanut sulisoqarnermullu naalakkersuisoqarfiup aaqqissuussaanik. True North Gemsimeersut neriupput aningaasaliiumasinnaasut allat tassani saqqummerumaartoq.

True North Gems ukiuni 30-ni rubinisiorsinnaanissamut akuersissumik peqarpoq taannalu sivitsorneqarsinnaalluni.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER