Skip to main content

Umiarsuarlutik takornariaqartunut Nuuk piuminarnerulissaaq

Inuussutissarsiornermik suliaqartut inuiaqatigiinnullu umiarsuarlutik takornarissat aningaasarsiorfigineqarluarnerulernissaa sulissutigineqarpoq

Takornarissanik kiffartuussisartut arlariillutik ataqatigiissaarisussanikpilersitseqqammerput. Pilersaarusiorlugu aallartitaannut ilaavoq tuniniaavinnik angallanneqarsinnaasunik pilersitsinissaq. Tuniniaavit tamakku iluaqutigalugit niuerniat minnerit saqqumminerulersinneqassapput.

Umiarsuit takornariartaatit tikinnginneranni ataqatigiissaarisut niuerniarnissat suliassallu allat ataqatigiissaartassavaat.

Ukiorpaalunngortuni nalinginnaaleraluttuinnarpoq umiarsuarsuit takornariartaatit Nuummut tikittarnerat takornariartitsisarnerallu . Siusinnerusukkut Nuutoqqami niuerfeeqqanik piareersaasoqartaraluarpoq takornarissat niuniariarlutik
niuerfigisinnaasaannik, ullumikkulli allanngorsimavoq.

- Nunani allani imaattarpoqtakornarissat niugaangamik ima niuerniarfigineqartigisarnerat allaat umiarsualivimmit illoqarfimmut aqqutit matulluinnangajanneqartarlutik. Maanili illoqarfitsinni takornarissat tammajuitsussanik niuertut malersukujoortarpaat pisiumallutik, Nuummi takornarissanik sullissisartoq Grace Heindorf Nielsen oqarpoq. 

Sermersuumik Takornariartitsinermut Siunnersuisooqatigiit saaffigineqarsimapput Nuummi niuertarfiutilinnit umiarsuarnik takornariartitsissutinik tikittoqartillugu ataqatigiissaarisussanik aallartitsiumasunik. Maanna taanna piviusunngortinneqarpoq
ilaatigut makku peqatigalugit: Nunatta Katersugaasivia, Nuummi Eqqumiitsulianik Katersugaasivik, Touring Greenland, Inuk Hostels aamma eqqumiitsuliortut peqatigiiffiat 'Sikkerneq'.

- Ataqatigiissaarisussat pilersinnerisigut anguniarneqarpoq illoqarfimmi inuussutissarsiortut suleqatigiinnerisa periarfissagissaarnerulernissaa, taamaaliornikkullu suliniutinik minnerusunik annerusunillu aallartitsinikkut umiarsuartigut takornariaqarnerup iluanaarutigineqarnerusalernissaa, Sermersuumi inuussutissarsiorneq, Sermersuumi Inuussutissarsiornermut Siunnersuisooqatigiivi nalunaarput.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER