Skip to main content

Isumaginninnermi siunnersortit pitsaanerusumik atugassaqartinneqarnissartik kissaatigaat

Isumaginninnermi siunnersortit sulinermi atugaat annertunerusumik isigineqassasut MIO-p nalunaarusiaani erserpoq. Peqatigiiffiup NIISIP tamanna iliuuseqarfigineqaqquaa

- Kommunini ingerlatsivinni allaffeqarfiit isumaginninnermi sulisumit sulinermi atugaat pitsaanerulersinniarlugit sulinissaat piffissanngortoq, isumaginninnermi siunnersortip suliani oqartussaasutut akisussaaffigisaani suliat amerlassusissaat nassuiarneqarlutik. 

Isumaginninnermi siunnersortit peqatigiiffiat NIISIP tusagassiutinut nalunaaruteqarpoq. 

MIO-p nalunaarusiaani ilaatigut atuarneqarsinnaavoq meeqqat inuusuttullu atorfissaqartitsisut sukkanerusumik sullinneqartalertariaqartut.

Isumaginninnermi sulinermi atukkanik MIO-p misissuisimanera NIISIP-ip nuannaarutigaa, tamannarpiaq pissutigalugu isumaginninnermi siunnersortit sulinermi atugaannik annertunerusumik isiginninnissamik pissutissaqartitsilermat.  

- MIO-p inassuteqaataanut NIISIP isumaqataavoq, tassa NIISIP-imut pingaarluinnarmat meeqqat inuusuttullu pillugit sulianik suliaqartuni isumaginninnermi siunnersortini sulinermi atukkat pitsaanerusut kiisalu ataavartumik piginnaanngorsaaqqinnerit qulakkeerneqarnerisigut meeqqat atugarliortut atugaannik sulinerup pitsaassusaa assigiinngitsutigut qaffatsinneqarsinnaammat, meeqqat inuusuttullu pillugit pissutsit ernumanartut, Nunatsinni ullumikkut atorneqartuniit sukkanerujussuarmik iliuuseqarfiginerinik angusaqarfiusinnaallutik, NIISIP-imi siulittaasoq Ellen Magnussen allappoq. 

Suliassat imaaginnavissut
Soorlu MIO-p misissuineranit tikkuarneqartoq isumaginninnermi siunnersortit kommunit ilaanni amerlavaarujussuarnik suliassaqartarput, peqatigisaanillu suliassat artornartuuneri sulianik suliarinninnermut pingaaruteqartarlutik, tassa ajornartorsiutit annertussussaat paasiuminaatsuunerilu amerlasuutigut apeqqutaasarmata. Sulianik suliarinninneq siunertaq malillugu ingerlanngippat, amerlanertigut naggataatigut meeqqanut ajoqutinngortarpoq, ulluinnarni sumiginnaagaanermik atugarliornermillu misigisaqareersunut. NIISIP isumaqarpoq meeqqani, inuusuttuni aamma ilaqutariinni pissutsit atukkallu kommuninit isigiuarneqarnissaat pingaaruteqartoq. 

- NIISIP aamma isumaqarpoq kommunini nunalu tamakkerlugu meeqqanut, inuusuttunut ilaqutariinnullu ikiorneqarnissamik pisariaqartitsisunut neqerooruterpassuit isiginiarneqarnissaat tigussaasuunissaallu pingaartuusoq, sulianik suliarittunut isumaginninnermi sulinerat oqinnerulersinniarlugu, Ellen Magnussen oqarpoq

Sulinermi atukkat ulapinnarpallaarneri artukkiivallaarnerilu aamma sivisuumik napparsimalernermik kinguneqarsinnaaneri pissutigalugit isumaginninnermi suliaqartut suliffimmik artornannginnerusumik allamik nassaarnissamik toqqaasarnerat pissutigalugu ingerlatsivinni isumaginninnermi sulisorpassuarnik pikkorissunik kommunit annaasaqartartut Ellen Magnussen oqarpoq.

Akuersaaginnarneqarsinnaaanngilaq
- Tamanna NIISIP-imit akuerineqarsinnaajunnaarpoq, isumaginninnermilu sulisunut atukkat pitsaanerulersinniarlugit sulinermi peqataarusulluni. Kisianni suliassaq NIISIP-ip kisimiilluni artorpaa taamaattumillu inassutigalugu kikkunnit tamanit iliuuseqartoqassasoq, kommunini ingerlatsivinnit akisussaasunit, isumaginninnermi sulisunit ataasiakkaanit aamma suliatigut kattuffinniit soorlu AK kiisalu Kanukoka. 

- Pissutsit ilaat sammineqarsinnaasoq tassaavoq sulianik suliarinnittumut ataatsimut suliat amerlassuseqarnissaat pillugu oqallittoqarnissa aalajangiisoqarnissaalu. Suliat amerlassusaat suliffiup naammattunik isumalluuteqalersillugu piginnaasaqalersillugulu aaqqissuunneqarneranut sulisussallu amerlassusilernissaannut iluaqutaasinnaapput. Sulinerup suliatigut pitsaassuseqalernissanut tamanna annertuumik pingaaruteqarsinnaavoq peqatigisaanillu sulinermi atukkat pitsaanerulersillugit, taamaalilluni tamanna inuttaasumut iluaqutaalluni aamma isumaginninnermi siunnersortip suliamigut nuannaaruteqarnera annertusillugu, NIISIP-imi siulittaasoq oqarpoq. 

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER