Skip to main content

Qaanaarmiut anginerusumik timersortarfittaarusupput

Qaanaami timersortarfeeraq aserfallassimavoq timersortartullu timersorfimmik anginerusumik noqqaapput

Assammik arsarnermi QNQ Qaanaameersut isiginnaartunit nuannarisaaqaat. GM-mi angusaqarluarnerup Qaanaami timersortarfimmik anginerusumik peqalernissamik noqqaaneq uummarissarpaa.

Qaanaami timersortarfeeraq 1992-mi atulerpoq. Taanna timersuutini arlalinni atorluarneqaqaaq assammillu arsartartut QNQ arlaleriarlutik nuna tamakkerlugu pissartanngorniunnerni peqataasareerput.

Uteriiserniarput
- Kisianni tassa timersortarfik anginerusoq pisariaqartipparput. Timersortarfeeqqap mikivallaarnera pissutaalluni timersorusukkaluit Qaanaami killilersorneqarput, timersortarfimmi pisortaq Pualuna Kivioq Sermitsiaq.AG-mut oqarpoq.

Taanna nunaqqatini arlallit peqatigalugit komite-mik pilersitsisimavoq nammineq piumassutsimik suliniarnikkut timersortarfiup periarfissaqarnerusup pissarsiarinissaanik sulissutiginnittussamik.

- Timersortarfik Nuummi illorsuarmi timersortarfimmisut unammiffilik pisariaqartipparput. Aamma atisaajartarfiit uffarfiillu pisariaqartinneqassapput. Aamma kantineqartariaqassaaq inimillu ataatsimiinnernut atorsinnaasumik peqartariaqarluni, Puluna Kivioq oqarpoq.

Anginerusumik timersortarfittaarniartut namminersorlutik oqartussat ataatsimeeqatigisimavaat. Tassani ilisimatinneqartut ukiut missingersuusiorfiusut 2017 tikillugu pilersaartoqanngitsoq timersortarfinni iluarsaassinissamut imaluunniit nutaanik sanaartornissamut. Komite aamma Qaasuitsup Kommunianut saaffiginnissimagaluarpoq maannamulli suli akineqarsimanani.

- Imaassinnaavoq aamma Danmarkimi aningaasaliisinnaasunik misissuisariaqassasugut timersortarfik anginerusoq pissarsiarissagutsigu. Taamaammat Qaasuitsup Kommunia aamma namminersorlutik oqartussat uteriiserfigissavagut. Nipangiinnaruttami kissaativut tulleriiaarinermi allinngoraluttuinnassapput, Pualuna Kivioq oqarpoq.

Avanersuarmi innuttaasut peqqissusaannik 2010/11-mi misissuisoqarpoq tassanilu paasinarsivoq innuttaasut amerlavallaat timiminnik atuinngippallaartut.

Timersortarfittaarniarluni komite innuttaasunik ataatsimiisitsisarniarpoq timersortarfittaarniarnermi innuttaasut akuutinneqarnissaat qulakkeerniarlugu.

Timersortarfeeraq ullumikkut atorluarneqaqaaq illoqarfimmi pisut annerit amerlanerit tassani ingerlanneqarmata.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER