Skip to main content

Nuuk: Oqaluttuarisaanermi pingaaruteqartut takuniarneqarsinnaasut

Katersaatit Ilimmarfimmi saqqummiunneqassapput tallimanngornermi maajip ulluisa aappaanni

2013 naalersoq Ove Bakip Kalaallit Nunaat issittorlu pillugit aviisini allaaserineqartarsimasut katersorsimasai assigineqanngitsut Groenlandicap pisiarai. 

Katersat 1832-miit 1988-imut oqaluttuarisaanermik imaqarput.

- Allaaserisarpassuupput, aviisini nalunaarutit, eqqaaniutit, atuakkialerinerit qularnanngitsumillu arajutsisassaanngitsut siornatigut takusimanngisagut. Katersat ilaminiinnanngui takunikuuagut, Groenlandicami pisortaq Charlotte D. Andersen oqaluttuarpoq. 

- Illerfiusaq nalaatsornerinnaq aallartiffigaarput, taannalu tassaavoq maj/juni 1957. Allaaserisat sammisaat amerlasoorpassuupput assigiinngitsorujussuullutillu. Ilaatigut allaaserisat imaraat, sakkussakillisaanermut politikki, Kalaallit Nunaanni Red Barnetip sulinera, Ilulissani jordbærinik naatitsineq, aavermik atsiineq, arnat ilinniagaqarnerat, qangullit sikkerarnerat allarpassuillu. Piffissami tassani nassaarfitsinni allaaserisat annerusumik qallunaatuujupput, oqaatsilli aamma allat suliarinikuuagut soorlu svenskisut, tyskisut, hollandermiusut franskisullu, Charlotte D. Andersen oqarpoq. 

Suliaq annertooq
Katersat oqaluttuarisaanermut takussutissatsialassuit atorneqarsinnaasut tamarmik atornianit ajornannginnerusumik atorneqarsinnaasunngussappata allaaserineqartussaapput, digitalisererlugit nalunaarsorlugillu.

Suliarlu tamanna 2014 februaarimi aallartippoq Groenlandicallu biblioteksbaseani qulequttat 113-iupput amerliartuinnarlutillu. Allaaserisat 113-it ilisivinni atorneqarnissaminnut piareeqqapput massakkullu angerlaallugit atorneqarsinnaalereerput.

Ove Bakip attavigeqqaarneraniit ukioq ataaseq affarlu qaangiummat allaaserisat Ilimmarfimmi Groenlandicamut eqqunneqarput, suliallu ingerlanera ilaatigut assinik takussutissartaqarpoq. 

Tallimanngornermi maajip ulluisa aappaanni nalunaaqutaq 15.00-imit 17.00-ip tungaanut Ilimmarfimmi Nuummi katersaatit saqqummiunneqassapput.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER