Skip to main content

Pam kalaallit meerartai pillugit arpanniarpoq

Kalaaleq Pam Stach kalaallit meerartai tapersersorniarlugit Købehavnimi arpaatini ativai. Kalaallit Nunaanni Red Barnet aningaasanik katersissunniarlugu maj-mi Copenhagen Marathon-mi peqataassaaq

Qaammat ataaseq qaangiuppat arpattut 100-ut arlallit Copenhagen Marathonimi arpalerpata, arpattunut amerlanernut kilometerit amerlanerit qaangernissaat anguniagaavoq. Pam Stach-mulli, aamma arpannermut peqataasussamut, anguniagaq allarluinnaavoq. Arpannissaanummi peqqutaavoq, Kalaallit Nunaanni Red Barnet aningaasanik katersissunniarnera.

- Misigisimavunga uannit pingaarnerujussuaq pillugu arpanniarlunga. Pingaarpoq erseqqissassallugu kinaagaluaraanniluunniit suugaluaraanniluunniit inunnut allanut ikiuisoqarsinnaasoq, kalaaleq Pam Stach, Danmarkimi najugalik, taama oqarpoq.

Red Barnet, Kalaallit Nunaat, aningaasanik, Pam Stach-ip katersaanik pissarsisussaavoq – tamannalu nalaatsornerunngilaq. Tassami Pam Stach-ip nammineq misiginikuaa maligassiuilluartut qanoq pingaaruteqartiginersut kingornussat ajortut akiorniaraanni. 

- Isumaqarpunga Kalaallit Nunaanni Red Barnet kattuffik aningaasanik tunissallugu ajunngilluinnartoq, aningaasat meeqqanut Nuummiittunut Qaanaamiittunullu peqqinnartunik sammisassaqartitsinermut nakkassammata. Aningaasat aamma timersornermut atortunut nakkassapput, meeqqat ilaqutaasa tunniutissallugit periarfissarinngisaannut, aammattaaq angallammik angalaarnernut, nunami pisunnernut, ilaqutariinnillu periarfissagissaarnerusunik pitsaasumik aamma peqateqartassallutik, Pam Stach oqarpoq.

Kalaallit Nunaanni Red Barnet-p Pam Stach-mit taama taperserneqarnertik soqutigineqarnertillu assut nuannaarutigaat.

- Pam Stach-p attavigimmatigut Red Barnet-mi assut tulluusimaarpugut. Piaartumik isumassarsiaq taperserparput, soorlu aamma Sparta Løbskontor-meersut, Nykredit Copenhagen Marathon 2014-mik aaqqissuisut tapersiisut! Pam Stach-p arpannissamut nalunaarnera aningaasaliiffigaat. Taava kiserngorutiinnarsimavoq qujanissaq, Kalaallit Nunaanni Red Barnet-p Generalsekretæria, Tillie Martinussen nuannaaqaluni oqarpoq.

Nittartakkamut uunga isersinnaavutit, katersuiniarnerlu tapersersorlugu: https://www.betternow.org/dk/marathonforagoodcause

Kontomut uunga aningaasanik tunisisinnaavutit: 6471 – 1288021 – Ikisinermi ”marato”n allanneqassaaq.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER