Skip to main content

Kalaallit Nunaat Issittumi piniapiluttutut pasillerneqarpoq

Nunat tamalaat misissuinerata takutippaa kalaallit uumasunik piniapiluttartut, pisaqarpallaartarnerillu atugaasut

Kalaallit piniartut pinngortitaq peqatigalugu inuupput, taamaallaallu miluumasunik timmissanillu atugassaannarminnik piniartarlutik, uumasunut nungusaataanngitsumik. Nalinginnaasumik taamatut isumaqartoqartarpoq.
Taamaanngilarli, issittumi uumasunik naasunillu nunat tamalaat misissuineranni pisortaq, qallunaaq ilisimatooq Hans Meltofte, Aarhus Universitetimeersoq, Politiken-imut oqarpoq.
Taassuma ukiuni arfineq-marlunni kingullerni ilisimatuut 252-it, nalunaarusiarsuarmik atuakkatut issussusilimmik tunniusseqqammersut, misissuinermi siuttuuffigisimavai.
Nunani soorlu Ruslandimi, Canadami USA-milu pingaartumik timmissanik miluumasunillu pisaqarpallaartarnerit aqunneqangajalersut Kalaallit Nunaat nunarsuup immikkoortuani ajortuliortuuvoq, aviisi allappoq.
Tamaani uumasut soorlu aarrit, appat qasigissallu ukiut qulikkaat ingerlanerini ikileriarujussuarsimapput, kalaallillu politikeriisa ajornartorsiutip iliuuseqarfiginissaa pinaaserfigaat.
– Uannut tupaallaataasimavoq Issittoq ataatsimut isigalugu Kalaallit Nunaat taamatut immikkooruteqartoq takullugu, Hans Meltofte Politiken-imut oqarpoq.
Pissutaasinnaasut arlallit taakkartorpai. Ilaatigut kalaallit amerlanerulersimapput pisuujunerulersimallutillu - ullumikkut sulereernerup kingorna sukkasuuliamik aallartoqarsinnaavoq, siusinnerusukkut piniariarfiliarnermut ullut arlallit atorneqartarsimasut.
Ilisimatooq naapertorlugu Kalaallit Nunaata issittumilu nunat allat allaassutaasa annersarigaat eqqissisimatitsinissamik aalajangiisarnerit pisarmata Nuummi, inuit piniarnermik inuussutissarsiutillit qanittuararsuullugit.
Assigiinnassavaa Hirtshalsimi byrådip aalisagartassanik pisassiitinneqarnera, Hans Meltofte oqarpoq.
– Nunap inuiisa nungusaataanngitsumik inuunerannik isumaliutiinnagaq eqqunngilluinnarpoq.
– Issittumi inuit inuttut inuuniarnerup killingani inuupput, taamaasiussagaannilu atugassarisat tigusariaqarput. Taamaattumik inuit eqqissisimatitsinissamik paasitikkuminaattarput, taanna oqarpoq.
Oqallinneq tamanna nutaajunngilaq. Tusagassiortoq Kjeld Hansen ukiut qulit sinnerlugit matuma siornatigut tamanna pillugu atuakkamik saqqummersitsivoq, tassani allalluni kalaallit nungusaataanngitsumik pinianngitsut.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER