Skip to main content

Jakob Larsenip GOG-mi sungiusaasuunera sivitsorneqarpoq

GOG Jakob Larsenilu suleqatigiinnertik ukiuni marlunni ilavaat

Ilimagineqareerluni maannakkut piviusunngorpoq. GOG Aalborg Håndboldilu Aalborgimi unamminerminni GOGp unammisartuutigaluni pisortaa Kasper Jørgensen tusagassiuutinut oqarpoq, Jakob Larsenip sungiusaasutut isumaqatigiissutaa ukiuni marlunni sivitsorneqartoq, taamaasilluni Jakob Larsen GOG-lu 2016-ip tungaanut isumaqatigiillutik. 

Jakob Larsen 2012-ip upernaavani GOG-mi sungiusaasunngorpoq. Sungiusaasunngorami GOG 1. divisionimi unammisartuupput ligamullu anngunniunnermut peqataallutik. Taamani anngutinngitsoorput 1. divisionimilu ukioq ataaseq unammeqqittariaqarlutik. Ukiulli aappaani GOG 1. divisionimi ajugaapput toqqaannartumillu ligamiilerlutik, ukiumilu unammiffiusumi ataasiaannarlutik ajorsarlutik. 

GOG ligamiinnermini ingerlalluaqaat, TMS Ringstedimut affininngorpat ajugaasinnaassagunik Danmarkimi pikkorinnerit arfineq-pingasut akornaniilissapput, kiisalu Danmarkimi pissartanngorniunnermi peqataassallutik. 

Sungiusaasuunini nuannaraa
- Isumaqatigiissutip inissinneqarnera nuannaarutigaara. Unammisartut pikkorinnerit akornanni sungiusaasuulluni nalunartoqartuaannarpoq, ukiunilu marlunni GOG-lu isumaqatigiissuterput ilaneqarmat nuannareqaara, GOG-mi angusaqarluarnissaa pingaartitaraara, Jakob Larsen Sermitsiaq.AG-mut oqarpoq. 

- Spaniamilu Frankrigimilu unammisartuullatsiarnikka kiisalu HC Fynimi arsartuutaa sungiusaasutut atorfeqarnera eqqaassanngikkaanni ukiut 17-it GOG-miinnikuuvunga. GOG iluarisannik aqunneqarpoq. Arsartugissaarpugut, taakkulu siunissami suli pikkorinnerulertussaapput. GOG-mi suli suleqataanissara nuannaarutigaara, tassami maaniinnera nuannareqigakku. Assammik arsarnermi misiginukuusakka nuannernerpaat ukiuni marlunni maani sungiusaasuunikka misiginikuuakka, Jakob Larsen oqaluttuarpoq. 

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER