Skip to main content

Kalaallit Nunaat Mexicomi pingajussaa ajugaavoq

Kalaallit Nunaata assammik arsartartui nunanut allanut unammisartui sisamanngornermi Mexico ajugaaffigaat

Unamminermi siullermi Cuba ajugaaffigineqarpoq, aappassaani Puerto Rico ajugaaffigineqarluni, ippassarlu sisamanngornermi kalaallit assammik arsarluni nunanut allanut unammisartui Mexicomut 31-24-mik ajugaapput, muminnermi 18-11-mik siuaqqallutik. 

Naak immikkoortumi siullermi kalaallit siuaqqalluaraluartut aamma immikkortup aappaata aallartinnerani siuaqqalluaraluartut unammineq pissanganarsileraluarpoq, Mexicormiut pingasuinnarnik kinguaqqaleraluarmata. 

Assamik arsartartut kattuffiannit peqataasoq Kurt Lauritsen Mexicomut unammereernermi tusagassiutinut nalunaarummi ima oqarpoq:

- Isiginnaartut assut nipitupput, Mexicop unammisartui aamma unamminerup ingerlanerani aamma nipittoraluarlutik. Qujanartumillu unammisartugut timersortartorpalaartumik unamminermi pissuseqarput. Unammineq pissanganarsileraluartoq unammisartugut takutitsilluarput isertitanillu arfineq-marlunnik amerlanerusunik isertitaqarlutik ajugaallutik. 

Sungiusaasup unammineq iluarisimaarpaa
Nunanut allanut unammisartut pingasunngornermi unamminermit unammilluarneroqaat, nunanut allanut sungiusaasup Niels Møllerip unammineq nalilerpaa.

- Unamminernut siullernut sanilliullugu unammineq sakkortuallaanngilaq, unamminermili 20-riarluni anisitaagallartoqarpoq, taamaammat unammineq nikerartumik ingerlanneqarluni. Unamminermi ataasiarluta pingasunik anisitaagallartoqarpugut, unamminerlu pissanganarsigaluartoq arsartut takutitsilluarput. 

USA ullumi unammissavaat
Akutaaneq Kreutzmann unammilluaqaaq, unamminermi arfineq-pingasoriaq isertitsilluni isertitaqarnersaalluni. 

Kalaallit Nunaat kingullermeerluni ullumi tallimanngornermi USA-mut unammissapput. Mexico nalunaaqutaq 16.00-linngorpat unammineqa aallartissaaq (Kalaallit Nunaanni nalunaaqutaq 19.00-linngorpat) 

Kalaallit unamminermi ajorsanngippata anngunniunnermi ajugaanissartik qulakkiissavaat.

Anngunniunnermi aamma allamik unammisoqarpoq, USA Puerto Ricomut 29-26-mik ajugaammata. Kalaallit naggammeerlutik ullumi tallimanngornermi unammissapput, tassani USA unammissallugu. 

       Unamminerit: Isertitat: Pointit

  • Grønland:     3 101-80   6

  • Mexico:         2   57-52    2

  • Cuba:            2   48-46    2

  • USA:              2   44-47   2

  • Puerto Rico: 3   76-101  0

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER