Skip to main content

Kalaallit Nunaata Puerto Rico ajugaaffigaat

Angutit assammik arsarluni nunanut allanut unammisartui marloriarlutik ajugaareernermi kingorna Pan Amerikami unammersuarnissamut Uruguayimi Montevideomi ingerlanneqartussami anngupput

Kalaallit Nunaat 39-29-mik Puerto Ricomut ajugaapput, unamminerli aallartilluanngilaat. 

Unammineq aallartimmat kalaallit isertitseriarnissartik ajornartorsiutigaat, minutsilli 20-t qaangiummata kalaallit siullermeerlutik siuarput, 12-11-mik siuaramik. Kalaallit 18-16-mik siuaqqallutik unammisut mumipput. 

Unammineq nalinginnaasumit sivisuneruvoq, mumereernermi kingorna minutsit qulit ingerlareersut unammiffiup qullii qamipput. Minutsini 15-ini unitsiallaqqereerlutik unammisut aallarteqqillutik. Unitsiareernermi kingorna kalaallit siuaqqanertik annertusiartuinnavippaat. Unammineq naammassimmat kalaallit 39-29-mik ajugaapput. 

Unammisut tamarmik iserput
Cubamut marlunngormat unamminermut sakkortuumut arsaqataasut ilaasa malugaat. 

Unammereernermi kingorna Rasmus Larsen Sermtsiaq.AG-mut unammineq nalilerpaa:

- Cubamut unammilluaqaagut, sapinngisarpummi tamaat unammigatta. Tamanna Puerto Rico-moornitsinnut malugaarput, ikiorserneqalaartariaqartummu amerlavugut. Qujanartumilli anngunniunnermi siuttuulluta inissisimavugut. 

Nunanut allanut unammisartut sungiusaasuata Niels Møllerip tupigaa taama sakkortutigisumik unammisoqartarmat. Unammisut isiginnaarlugit taama sakkortutigisumik unammisoqarnera akueriuminaatsutut oqaatigaa. Puerto Ricomulli ajugaaneq iluarisimaarpaa.

Ajugaasinnaapput
Mexico ullumi sisamanngornermi unammineqassapput. Mexico siullermik unammigamik Puerto Ricomut 33-21-mik ajugaapput, pingasunngornermilu unamminatik. Kalaallilli Mexicomut ajugaasinnaassagunik anngunniunnermi ajugaanissartik qulakkiissavaat. 

Cuba USA-lu pingasunngornermi aamma unammipput, tassani Cuba 21-15-imik ajugaapput.

Illoqarfimmi inuttoqisumi Mexico City-mi najugaqarput, 1968-imi illoqarfimmi OL-ertoqarneranut atatillugu sananeqarsimasumi najugaqartinneqarlutik. Unammeqataasut tamarmik kialaarnera iluaraat, ualikkummi 25-t missaannik sila kiattarpoq.  

         Unamminerit: Isertitat: Pointit

  •  Kalallit Nunaat:  2  70-56  4 
  •  Mexico:            1  33-21  2 
  •  Cuba:               2  48-46  2 
  •  USA:                1 15-21   0 
  •  Puerto Rico:      2  50-72   0
Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER