Skip to main content

Nuna tamakkerlugu katersuiniarnermi nipilersortussat arlaqartut

Nipilersortartup Juaaka Lyberthip angutit erinarsoqatigiit Qissiat suleqatigai - katersuiniarnissami kikkut aamma nipilersussanersut takukkit

Nipilersornermut sungiusartarfimmi erinartoqarlunilu nipilersortoqarpoq kræfti akiorniarlugu suliniaqatigiiffiup Neriuffiup arfininngorpat nuna tamakkerlugu katersuiniarnissaanut piareersaatitut. Juaaka Band aamma Qissiaq erinarsuunik marlunnik atueqatigiinniarput katersuiniarluni aliikkusersuinissamut immikkut aaqqissuussaasunik katersuiniarneq arfininngorpat nalunaaqutaq 20.00 aallartiffigalugu KNR-TV-mi aallakaatinneqalerpat appinneqartussanik.

Nuummi pisiniarfeqarfimmi Nuup Centerimi soqannginnersaq sceneliarineqarlunilu tv-kkut aallakaatitsisarfiliarineqassaaq arfininngornermi Neriuffik nuna tamakkerlugu katersuinialerpat. Nipilersoqatigiit arlallit appissapput. Nipilersoqataasut tamarmik nammineq piumassutsimik peqataaniarput katersuiniarnermut tapersiissutitut. Taakku ilagaat Juaaka Lyberth maanna Qissiakkunnik sungiusaqateqartoq. Erinarsuutit marluk katersuiniarnermut immikkut aaqqissuussat atorniarpaat. Erinarsuutit tassaapput Juaaka Lyberthip suliai ’Naasumik paju’ aamma ’Utaqqisarpara’ nutarsarlugit atorneqartussaat.

Aamma Qullissarami peqataasut pingasut aliannaarfigineqassapput. Tassaapput Kimmernaq Kjeldsen, Pilu Noahsen aamma Mike F. Thomsen Vajgatip qitigiaanik nuannarisaaqisunik atuissamaartut.

Aliikkusersuinermi aamma torlussortoqassaaq, tivasoqarluni, tunumiusut ileqqorsortoqassalluni aammalu Pavia Geisler aliannaartitsissalluni ’Allakkatit aamma ’Qujajumaarpunga’ atorlugit.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER