Skip to main content

Meeqqanut inuusuttunullu pineqaatissiisarnerit pillugit S paasisaqarusuttoq

Inatsisartunut ilaasortaq Evelyn Frederiksen Siumut meeqqat inuusuttullu 18-i ataallugit ukiullit pineqaatissiisarneq pillugu Naalakkersuisunut paragraf 37 najoqqutaralugu apeqquteqarpoq

- Ullumikkut meeqqat inuusuttuaqqallu 18-it inorlugit ukiullit, arlaleriarlutik pinerluuteqarsimasut, angajoqqaaminnit imaluunnit najortiminnit aqunneqarsinnaanngitsut qanoq inissinneqartarpat?

Evelyn Frederiksen Siumumi Inatsisartunut ilaasortaasoq paragraf 37 naapertorlugu Naalakkersuisunut ilaatigut apeqquteqarpoq. 

- Apeqquteqarnermut tunngavigineqarpoq ullumikkut meeqqanut inuusuttunullu pineqaatissinneqarsimasunut inissiivimmik atuineq periarfissaqanngitsoq ilisimagatsigu. Inissiigallarfiusut piusut suuneri qanorlu siunertaqarneri atorneqarnerilu erseqqinnerusumik paasissutissiissutigineqarnissaat kissaatigalugu taamak ittunik apeqquteqarpunga. Taakkuli aamma paaserusuppakka meeqqat inissiiivimmeereeraangamik suliniuteqarfiginermikkut iluatsinneqarnersut paaserusutama ilagaat. 

- Apeqquteqaatimalu tunngaviisa ilagaat ilaatigut inuusuttut pinerluuteqarsimasut inissinneqarsimagaluit nakkutigineqarsinnaannerat killeqarsinnaammat, Evelyn Frederiksen allappoq. 

Paragraf 37 naapertorlugu Naalakkersuisunut ima apeqquterpoq:

  •  Ullumikkut meeqqat inuusuttuaqqallu 18-it inorlugit ukiullit, arlaleriarlutik pinerluuteqarsimasut, angajoqqaaminnit imaluunnit najortiminnit aqunneqarsinnaanngitsut qanoq inissinneqartarpat?
  • Meeqqat inuusuttullu 18-it inorlugit ukiullit sakkortuumik sumiginnarneqarsimanermikkut, sakkortuumik pinerluuteqarsimasut ullumikkut sumut inissinneqartarpat?
  • Aningaasat qanoq annertutigisut meeqqanut inuusuttunullu 18-it inorlugit ikiulinnut inissiigallarnermut atorneqarpat?
  • Inissiigallarnermut imaluunniit inissiivissamik ataavartumik peqartoqarpat, qassit inissaqarpat qassillu utaqqippat inissinneqarnissaminnut?
  • Meeqqat inuusuttullu pinerluuteqarsimasut qanoq nalunaarsorneqarpat?
  • Kiisalu qassit inissiigallartarfimmeereernermi kingorna pinerluuteqaqqittarpat? 
Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER