Uuliasiorneq
Uuliap Islandi akiitsuerutsissinnaavaa
Norskit Islandermiullu uuliaat 6.000 milliardinik naleqarsinnaapput. Norgep Islandillu imartaani uulia qallorneqapallassinnaassappat Island akiitsuerussinnaavoq
Islandi akiitsuerusinnaavoq uuliamik qalluipallassinnaaguni. Norge suleqatigineratigut suliaq ingerlalertupallassinnaasoq oqaatigineqarpoq.
Islandimi oqartussaasut ilimagaat, Islandip Jan Mayenillu akornanni imartami 6.000 milliard koruunit pallillugit uuliaqassasoq. Uulia qallorneqarsinnaappat Island akiitsuerussinnaavoq, Norskit aviisiat Dagbladet allappoq.
Uulia qattanut 10 milliardinut immerneqarsinnaasut naatsorsuutigineqarpoq, qattat 6 milliardit Islandimukassapput sinnerilu norskit tigussallugit.
- Uuliamik seerisumik nassaartoqarsinnaappat Island akiitsuerutissaaq. Islandimi misissuisoqarnerani erserpoq, innuttaasut 80 procentii uuliasiornissaq tapersersoraat, Heidar Mar Gudhjonsson Eykon Energy-mit oqarpoq.
Drakip akorngani uuliasiortoqalissagaluarpat, isertissutaasut 25 procentii Norgemut tuttussaapput, tamanna 1981-imi isumaqatigiittoqarpoq. Norskit naalakkersuisuisa Drakip akorngani uuliasiorneq unitseqqagallarpaat.
- Uuliasiortoqalissappat norgimit aamma soqutigineqassaaq, norskit uuliasiornermut nukissiorfimmilu naalakkersuisoqarfianit oqaatigineqarpoq.