Skip to main content

Nuup qeqqani piginnittut nikinnerat

Nota Benep Grønlands Radio Center pisiaraa taamaalillunilu radionik, tv-iinik qarasaasianillu nioqquteqarneq pisiniarfimmit ataatsimiit ingerlatilissallugu

Grønlands Radio Center Nuummi illoqarfimmi pisiniarfinnut 1966-imiilli ilaalersimasoq pisiniarfittut namminersortutut atorunnaalerpoq.

Suliffeqarfik Aqqusinersuarmiittoq Nota Benemit ukiup nikinnerani pisiarineqarpoq. Taamaalilluni pisiniarfinnik illoqarfiup qeqqani inissitsiterineq pineqartillugu kingumut ungasinngitsukkut katiterisoqassaaq.

- Pisiniarfiup pisiarineratigut elekronikkinik isenkraminillu pisiniarnissaq pisisartunut ajornannginnerulissaaq. Nioqqutissat ullumikkut pisiniarfitsinni Nota Benemi Imanermiittumi inissakilliukannerput. Nioqqutissalli ajunnginnerusumik saqqummiussinnaalissavavut taamaalilluta GRC elektronikkinillu nioqqutissat Nota Benemi ataatsimoortilissagatsigik, pisiniarfippullu Inspiration aamma inissaqarnerulissalluni, GRC-ip initaanut nuussagami, Nota Benep pisortaa atorfineqqammersoq, Olav Thomsen oqarpoq.

Taanna Kalaallit Nunaanni pisiniarfeqarnermik sukumiisumik ilisimasaqareerpoq, 2003-mi novembarimiit 2011-p naaneranut tungaanut Brugsenimi pisortaagami. Tamatuma kingorna ukiuni tulliuttuni marlunni pisiniarfissuarmut siunnersortaavoq.

Nioqqutissat akikinnerit
Radionik, tv-iinik qarasaasianillu nioqquteqarnermi nukittunerusumik inissisimaffeqalernikkut nioqqutissat akikinnerulersinnaanerat pisortap ilimagaa.

- Pisiniarfiit taakkua marluk tigummiinnaraluarutsigik pisariillisaanermi iluanaaruteqarnavianngilagut. Tamatuma paarlattuanik kaaviiaartitavut amerlisinnaagutsigik pisisarfitsinnit akinik pitsaanerusunik pisinnaalissaagut, taamaalillutalu siornatigumut sanilliullugu nioqqutissanik amerlanernik tikisitsisinnaalissalluta. Tamannalu piffissami elektronikkimut tunngasuni sakkortuumik unammillerfiusuni pisisartutsinnut iluaqutaassaaq, Olav Thomsen naliliivoq.

GRC-p pisortaa, Kim Holmgaard-Christensen, tunisinermut atatillugu suliffeqarfimmit tunuarpoq, suliffeqarfiullu siulittaasua, Jens-Verner Holmgaard, marsip 15-iani tunuassalluni. Sulisut sinneri Nota Benemut nuussapput.

Suliffeqarfiup pisiarineqarnermi kingorna illoqarfiup qeqqani outletinik pisiniarfini tigummiinnassavaa, Nota Beneli arnat atisaannik nioqquteqarunnaassalluni.

- Lene-Mi atorunnaarsinniarparput, Nuummi arnat atisaannik nioqquteqartut amerlareeqimmata. Taamaattumik nukivut tamatumunnga atornianngilavut, Olav Thomsen oqarpoq.

Pisiniarfiit niueqatigiinnerup kingorna taaguutigiligassaat tassaavoq Nota Bene/GRC Inspiration.

Kim Holmgaard-Christensen tunisinermut pissutaasut itisilernissaannik kissaateqanngilaq.

- Nutaanik misileerusuppunga. Kisianni sunaanersoq suli itisilerusunngilara, Kim Holmgaard-Christensen oqarpoq.

Grønlands Radio Center Lundby Fotomik taaguuteqarluni Ib Lundbymit assiliiveerniarfittut ammarneqaqqaarpoq.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER