Skip to main content

Danmarkimi katersuiniarneq: Nunarsuarmi meeqqanut 87 millionit

Ukioq manna Danmarkimi katersuiniarnermi taaguutilimmi ´Når mor mangler´ siornarnit 11 millioner koruuninik amerlanerusut isertinneqarput

Arfininngormat tv-kut aliikkusersuilluni aallakaatinneqartumit Danmarks Indsamling-imit isertitat millionerpassuit suliniutit piviusut 12-t iluaqutigissavaat.
Katersuiniarnermi taaneqartumi ´Når mor mangler´ suliniutinut katersorneqarput 87.414.404 koruunit.
Nunani assigiinngitsuni 12-ni suliniutit nunavissuarnut pingasunut agguarsimapput, ilaatigullu atorneqassallutik arnani hiv-ip akiorneqarneranut, naartunermut erninermullu atatillugu toqusarnerup akiorniarneranut aammalu meeqqat iliarsuit ikiorniarnerannut.
– Afghanistanimi erninermi nakorsaatinit sakkortuunit, Guatemala-mi inuusuttut ulorianartumik naartunaveersaartinnissaannut, Zambiami iliarsuit ikiornissaannut, tassami meeqqat millionit sinnillit angajoqqaatik annaasimammatatigit, Karin Aaen, Unicef Danmark-imi katersuiniarnermi oqaaseqartartoq attaveqarnermullu pisortaq oqarpoq.
Aallakaatitamik aqutsisut Louise Wolff aamma Nikolaj Koppel unnuap qeqqata missaani Flyvestation Værløsemit qujammata siorna qallunaat katersugaat qaangerneqarsimapput. Siorna Afrikami suliniutinut 12-nut 76 millioner koruunit katersorneqarsimapput.
– Taamaattumik siornarnit 11 millioner koruuninik amerlanerusut isertippavut, tamannalu nuannaarutigalugulu qujamasuutigeqaarput.
– Qularutissaanngilaq sammisaq kimittuujummat inuit isummerfigisinnaasimagaat, tamannalu angusarissaarnermut pisooqataasoq, Karin Aaen oqarpoq.
Danmarks Indsamling 2010-mi rekordiliivoq 130 millioner koruunit isertinneqarmata siunertanut marlunnut atugassat: Haitimi nunap sajunneranik eqqorneqartunut aammalu Afrikami arnat ikiorniarlugit piffissamut sivisuumut ineriartortitsinissamut.
2007-mi februaarimi nuna tamakkerlugu katersuiniarneq siullermik ingerlanneqarmalli qallunaat 500 millioner koruunit sinnerlugit tunissuteqarsimapput, tamakkualu inuit 5 millionit sinnillit ikiornerannut atorneqarsimaput, Danmarks Indsamling paasissutissiivoq.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER