Nuuk

Majuartaatit tamarmik erniinnaq atorneqalissasut

Decemberip qeqqani Nuummi Sisorarfiit majuartaataat ammarppoq. Sapaatip akunnerata naanerani majuartaat angineq aamma ammarpoq

Timmisartoqarfiup eqqaani sisorartarfiit ukioq manna aallartilluarput sapaatipakunnerani qaangiuttumi uani majuartaat anneq atorneqarsinnaalissalluni.

- Qaqqap qaavani suli aputeqarnerulernissaa utaqqivarput majuartaatip qaarpiaanit sisusoqarsinnaalernissaanut, Sisorarfinnik ulluinnarni aqutsisoq Knud Chemnitz AG-mut oqarpoq.

Siorna sisorarnissamut periarfissaq sivikitsuaqqamik atuuppoq siusissukkut manngunnera pissutigalugu. Marsi qiteqqutiinnartoq sisorartoqarsinnaajunnaarmat. Ukioq manna neriuuteqarluarneruvugut.

- Juulli naallugu inuit majuartaatinik atorluaaqaat. Manna tikillugu pissutsit naammagisimaarluarpavut, Knud Chemnitz oqarpoq.

Powered by Labrador CMS