Skip to main content

Isuma: Eqqortumik oqalussaagut

– Aningaasaqarnikkut ingerlanerlioraanni allanik isumalluuteqarnalertarpoq. Taamatut oqarpoq Claus Hjort Frederiksen, V, taassumalu Kalaallit Nunaata siunissaa ernumanartoqartippaa

Venstre namminersornermut inatsimmik pilersitsinermi siuttuusimavoq, Kalaallillu Nunaata annertunerusumik namminersornera suli tapersersorlugu. Taamatut Berlingskemi oqaaseqaatimigut allappoq Claus Hjort Frederiksen, Venstre. Claus Hjort Frederiksen taamatut allappoq piffissami kingullemri Kalaallit Nunaata aningaasaqarnerata oqallisigineqarneranut atatillugu.
– Ernumassutigaara Kalaallit Nunaata aningaasarsiornini aaqqissuuteqqinngimmagu, taamaallaalli assersuutigalugu Kinamiut aningaasaataannik isumalluuteqalissalluni. Aningaasaqarnikkut ingerlanerlioraanni allanik isumalluuteqarnalertarpoq. Ilumoortutut akuerineqarsinavoq aningaasanik ikiorsiisut politikkikkut sunniuteqarnerat annertusiartuaartartoq. Matumani piumasaqaatit sakkukillinngikkussigit aningaasaliissutivut allamut nuussavagut. Taavalu tunniutiinnartoqartarpoq, taanna allappoq.
Berlingaskemi isumaliutersuut atuaruk uani
– Kalaallit aningaasarsiorneranni aaqqissuusseqqittoqassaaq, tamannalu kigaappallaamik ingerlavoq. Nunarsuarmi assersuutissaqarpallaanngilaq aningaasarsiornermik qitiuvallaamik aqutsinikkut aningaasarsiornermik siuariartortitsisoqartartoq.
Tamatuma saniatigut tikippai aatsitassat, suliniutinut angisuunut inatsit, silap pissusiata allanngoriartornera aammalu Issittumi periarfissat. Aammattaarli apeqqutit Naalagaaffeqatigiit iluanni qanoq iliuuseqarfigineqassanersoq.
– Kalallit Nunaat tappavanilu pissutsit oqaluuserigaangatsigit oqallinneq sunnerneqartarpoq arlalinnik uppernaassuteqartassasugut, soorlu siuliani taamaasiortunga. Uppernarsassavarput namminersornermut inatsit tapersersoripput aammalu Inatsisit Tunngaviusut inatsiillu allat malikkivut. Tamakkua politikkimi oqallinnermi pisariaqarneq ajoraluarput, taamaasiortoqartarporli nunasiaatilittut pissusilersortutut pasillernqarumanani. Imaluunniit nikassaatuut isigineqarumanani. Ajornerusumilluunniit.
– Pinngitsoorani apeqqutit Kalaallit Nunaannut Naalagaaffeqatigiinnermullu pingaarutillit ammasumik oqaluuserinissaat ajornakusoortinneqarpoq eqqortumik oqalunngikkaanni. Kalaallit Nunaata siuariartornissaa Ventremi pimoorullugu sulissutiginiarparput. Isumaga malillugu aalajangingassat ataatsimoorluni aalajangernissaat pitsaanersaavoq.
Claus Hjort Frederksen ilumoorpa? Naalagaaffeqatigiinnerup iluani pissutsit pitsaanerlunernissaannut siunnersuutissaqarpit, aamma sooq Claus Hjort Frederiksenip piumasaatut eqqortumik oqalussinnaanngilagut.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER