Børneliv

Red Barnet: Kalaallit Nunaat sapinngippat - aamma Danmarki sapissanngilaq

Folketingimi marloqiusamik ileqqulersortoqarpoq, Im-imut pisimasoq tunuliaqutaralugu Red Barnet-ip generalsekretæria isumaqarpoq

Mimi Jakobsen, Red Barnet-ip generalsekretæria - aana Meeqqat Illersuisuat Aaja Chemnitz Larsen ilagalugu.

Version:1.0 StartHTML:0000000175 EndHTML:0000006093 StartFragment:0000002832 EndFragment:0000006057 SourceURL:file://localhost/Users/mac75/Desktop/Overs.%2016.11.13.doc Niviarsiaqqap arfineq-marlunnik ukiullip arnaatalu anisitaanerat Danmarkimi sapaatip akunnerata ingerlanerani sammineqarsimavoq. Oqallisigineqarpoq naammaginartuunersoq niviarsiaqqap arnaatalu anisitaanerat. Pisimasumi naalakkersuineq inuillu sammineqarsimapput.
– Kusananngilaq politikerit isumaqatigiilluarlutik suliassaq ataasiinnaq tunuliaqutaralugu inatsisiliormata, Im-ip Danmarkimi najugaqarnissamut akuersissuteqarnissaanut pisumi, meerarpassuit allat inatsisitigut isumannaatsuunissaat eqqarsaatigalugu nunat allamiunut politikkimi amigaatit ersarissut iluarsiniarnagit.
Taamatut oqarpoq Red Barnet-ip generalsekretæria Mimi Jakobsen, tamatumunngalu tunuliaqutaavoq Folketingip inatsisiliornera, tassuuna pingaartumik qulakkeerneqarluni niviarsiaqqap arfineq-marlunnik ukiullip Im-ip arnaatalu qallunaap Danmarkimi najugaqarnissaat, niviarsiaqqap angutissaata toqunerata kingorna.
– Inuit qullilillutik Im-ip oqaluttuassartaa tv-kut isiginnaarsimavaat. Eqqarsaatiginngitsoorsinnaanngilarali taamatut inatsisiliortoqarsimassagaluarnersoq nukappiaraq somaliamiu 15-inik ukiulik pineqartuuppat.
– Akerlianik anisitsinernik allarpassuaqarpoq angajoqqaajusup toquneranut attuumassuteqanngitsumik, meeqqalli pisariaqartitaannik sumiginnaalluinnartarsimasunik, Mimi Jakobsen oqarpoq.
Taanna isumaqarpoq maanna politikererpassuit takugivut nunat allamiunut sakkortunerpaanik inatsisiliorsimasut imaluunniit tamakkuninnga sakkukillisaasimanngitsunik, maannalu namminneq aalajangersimasaminnik tunutsiniartunik.
– Pakatsissutigaara puffaatigalugulu politikerit manna suliarituakasikkamikku iluamik ingerlatinngimmassuk nunanullu allamiunut inatsimmi ajoqutaasut piiarlugit meeqqat pisariaqartitaat eqqarsaatigalugit aammalu meeqqanut isumaqatigiissut, Danmarkimi malinngisarput, eqqarsaatigalugu, taanna oqarpoq.
Berlingske Tidende malillugu meeqqat 12 inorlugit ukiullit 1000-t missarpiaat ukiuni 2005-miit 2010-mut saamerliit naalakkersuisuunerisa nalaani angajoqqaaminnut kattuteqqinnissaminnut itigartinneqarsimapput.
– Tamaasa annaassinnaanngilagut. Suliassalli tamakku misissorneqartariaqarput paasiniarlugu kikkut nunamiiginnarnissaminnut akuerineqartariaqarnersut. Maannakkutut itsillugu pineqanngilaq meeqqap pisinnaatitaaffia, pineqarporli arnaa naalalluni naammattumik akulerunniarsimanersoq politikerit isumaat malillugu, Mimi Jakobsen oqarpoq.
– Danmarkip meeqqanut isumaqatigiissut inatsimmini ilanngussinnaanngippagu, assersuutigalugu soorlu Kalaallit Nunaat taamaasiulereersoq, taava kina taamasiorsinnaava, taanna oqarpoq.

Powered by Labrador CMS