Skip to main content

KNI-p pisortaanera soraarsitaavoq

KNI-p pisortaanera Claus Jensen, 2012-imi marsimi atorfinittoq, ingerlaannavik atulersumik soraarsitaavoq

KNI-p pisortaanera Claus Jensen, 2012-imi marsimi atorfinittoq, ingerlaannavik atuutilersumik soraarsitaavoq.
Taamatut pisimasumik ilisimasalik paasissutissiivoq.
Taamatut aalajangersimapput KNI-p siulersuisui tallimanngormat.
Sermitsiap paasisai malillugit isumaqatigiivissumik aalajangiisoqarsimanngilaq, amerlanerussuteqarluartut soraarsitsinissaq isumaqatigisimagaluaraat. Taamaasilluni siulersuisut soraarsitsinissaq sapaatip akunnerata ingerlanerani annertuumik oqaluuserisimavaat.
Aamma atuaruk: KNI-mi aalassassimaarnersuaq
Tamatuma saniatigut siulersuisunut ilaasortaq Marianne Wiinholdt, Dong Energymi aningaasaqarnermut pisortaasoq, siulersuisunit tunuarpoq, nalunarporli soraarsitsinissamik aalajangiinermut suut pissutaasimanersut.
Claus Jensenip soraarsinneqarnera pivoq piffissami sivisuumi ingerlatsivimmi aalassassimaartoqareersorlu, tassani sulisoq arlallilluunniit kinaassutsiminnik isertuussillutik siulersuisunut allakkatigut pisortap aningaasanik aqutsinera aqutseriaasialu maalaarutigisimallugit.
Aamma ingerlatsivimmi pisortatut sulisut marluk, aningaasaqarnermut  pisortaq Jan Rahbech aamma naatsorsuutinut pisortaq Per Jensen, suliffeqarfissuup pisortaanut ilumoortut, atorfimminnit tunuarniuteqarput.
KNI-mi siulersuisut siulittaasuatya Niels Thomsenip pissutsit oqaaseqarfigiumanngilai.
Claus Jensen oqaaseqartissinnaasimanngilarput.
KNI-p naatsorsuutigaa kingusinnerpaamik ataasinngorpat nalunaarutigissallugu kina suliffeqarfissuarmi pisortanngortinneqarallassasoq.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER