Skip to main content

CSR Greenland ukiunik pingatsiivoq

Inuussutissarsiortut malunnaatillit arfinillit CSR Greenland aallartippaat. Tamanna pivoq 2010-mi

Inuussutissarsiortut malunnaatillit arfinillit 2010-mi CSR Greenland aallartikkamikku anguniarsimavaat Kalaallit Nunaannik nukittunerusumik pitsaanerusumillu pilersitsinissaq - aningaasarsiornikkut, avatangiisitigut isumaginninnikkullu.
Ulumikkut ukiut pingasut qaangiuttut kingumut qiviarsinnaapput Kalaallit Nunaanni pisoqartorujussuusimasoq - ingerlatsivinni inuiaqatigiinnilu. CSR Greenland tamatumunnga peqataasimavoq, pingaartumik kattuffiit akornanni ataatsimut anguniakkamut suleqatigiinnikkut; Kalaallit Nunaata nukittorsarnissaa.
CSR, Corporate Social Responsibility, qallunaatut taaneqarajuttoq, tassaavoq ingerlatsiviit inuiaqatigiinni isumaginninnermik, ileqqorissaarnermik avatangiisinullu piumassutsimik suliaat. Nunatsinni ingerlatsiviit CSR ingerlallualersimavaat, takusinnaavaat assigiinngisitsinerup atasinnaasumillu ineriartornerup naleqassusiat. Taamaattumik ullumikkut namminneq politikkeqarlutillu periuseqarput.
– CSR Greenland taassuma allartinnissaanut ikiuussimavoq, sungiusarnikkullu, misilittakkanik taarseeqatigiinnikkut piviusumillu suliniutitigut ingerlatsiviit, atorfillit NGO-llu akimorlugit atasinnaassutsimik sulinermi piginnaasanik paasinninnermillu ineriartortitsisoqaresimalluni. Peqatigiinnerillu suli amerliartuinnartut peqataasalerput, tusagassiorfinnut nalunaarummi allassimavoq.
Peqatigiinnerit oqaloqatigiinnerillu atasinnaassutsimik pilersitsipput
– Suleqatigiinneq pingaaruteqarpoq ataatasimut aaqqiissutinik pilersitsinissamut nukinnillu tamanik atuinissamut. Assersuutigalugu CSR Greenland aamma Peqqissutsinut Attaveqarnermullu Naalakkersuisoqarfik peqqissutsimik aqutsinermik peqatigiilersimapput. Taakkua nunatsinni ingerlatsiviit kajumissaarpaat suliffinni avatangiisinik peqqinnartunik pilersitseqqullugit, inuit peqqissuunissaannik pilersaarutip malinneratigut tamannalu peqatigalugu nuannaarnerusunik peqqinnerusunillu sulisoqalerlutik.
– Suleqatigiinneq pitsaasoq aamma takuneqarsinnaavoq Kommuneqarfik Sermersuup, Kanukoka-p, namminersorlutik oqartussat ingerlatsiviillu arlallit akornanni suleqatigiinnermi, tamakkua ukiuni arlalinni eqqagassanik katersuineq Saligaatsoq ingerlassimallugu, Nuummi aallartissimasoq ukiorlu manna Sisimiuni annertuumik suliniuteqarnermik annertusineqartoq. Nuummiinnaq aqqusinerni, illoqannginnersani allanilu eqqagassat tonsi ataaseq katersorneqarsimapput.
– Aamma NGO-ni suleqatigiinneq kinguneqarsimavoq. Kingullermik WWF ingerlatsiviillu arfineq-marluk avatangiisinik aqutsinermik ukiuni pingasuni suleqatigiilerput. Suliniut taaguuteqarpoq Clean Greenland - Green Companies, avatangiisinik ilisimasaqarnermik siuarsaasussaq, WWF-ip avatangiisinut ilisimasai atortuilu atorlugit.
Ingerlatsiviit ataatsimoorlutik Kalaallit Nunaata annersaa suliffigaat, tusagassiorfinnut nalunaarummi allassimavoq.
Siunissamut suliassat
2014-mi CSR Greenlandip, suliniutit pioreersut sanatigut sulisartoqarnermi ilinniagaqartitsineq akulerutsitsinerlu samminiarpai. Brian Buus Pedersen, CSR Greenlandip siulersuisuini siulittaasoq, erseqqissaavoq:
– Piffissami Kalaallit Nunaanni allanngorfippassualimmi pingaaruteqarpoq kalaallit inuussutissarsiortut inuiaqatigiit atasinnaasumik ineriartornissaannut peqataanissaat.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER