Skip to main content

Siumukkormioq: Juullip inua Uummannamut nuulli

2012-mi decemberimi juullip inua Nuummiit Ilulissanut nuuppoq. Maanna siunnersuutigineqarpoq Uummannamut nuunneqarnissaa

Juullip qaammataa pilertoqisumik qalliartorpoq, qularnanngitsumillu juullimut kissaatit saqqummeralerput. Aamma taamaappoq kommunalpolitikkimi.

Qaasuitsup kommuniani kommunalbestyrelsimi ilaasortap Jens Kristian Terkelsen-ip (S), Ikerasanneersup,  juullip inuata Ilulissaniit Uummannamut nuunneqarnissaa, kommunalbestyrelsimi oqaluuserisassanngortippaa.

- Qularutissaanngilaq inuit amerlasuut nalunngikkaat juullip inua Uummannami najugaqartoq, tamanna qularutissaanngilaq, aamma  juullip  inuata Uummannami naapissinnaallugu qularutigissanngilaat. Taamaattumik juullip inuata sannavia Uummannamut nuunneqaraluarpat pissusissamiisuussagaluarpoq, Jens Kristian Terkelsen (S), siunnersuummini ilaatigut allappoq.

Danmarks Radio-p juullimut fjernsynikkut mappersagaliaa, Nissebanden Kalaallit Nunaanni, innersuussutigaa. Taanna nunani assigiinngitsuni ilisimaneqarluarpoq, aamma ilisimaneqarpoq juullip inuata illua Uummannap qaqqarsuata ataaniittoq takuneqarsinnaasoq, pinngortitami assissaqanngitsumi pingaartumik akornarianut piukkunnarluartumi.

Juullip inua Uummannamut nuunneqaraluarpat, tamatuma Uummannami takornariaqarnermut iluaqutaaanissaa Jens Kristian Terkelse-ip qularutiginngilaa. – Uummannamut takornariaqarneq ukiuni kingullerni annikilliartorsimavoq, tamatumalu ajoraluartumik kingunerisimallugu Hotel Uummannap matusariaqarnera, tamannalu ajuusaarnarpoq, Jens Kristian Terkelsen siunnersuummini  allappoq.

Juullip inua Nuummiit Ilulissanut nuunneqarpoq decemberip aallartinnerani 2012-mi. Juullip inua kommunip allaffiani allatseqarfimmiippoq takuneqarsinnaavoq.

Qaasuitsup kommuniani kommunalbestyrelsip oktoberip 10-ani ataatsimiinnissaralua oqarasuaatikkut pisussaagaluaq, sapaatit akunnerata tullianut ataasinngornermut ataatsinut pisussanngorlugu kinguartinneqartoq, oqarasuaatikkut attaviit pitsaavallaannginneri pissutigalugu kommunip allaffianit oqaatigineqarpoq.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER