Skip to main content

KNI: Comby eqqartuussivikkoortinneqassaaq

IT-mik attavik ADSL-imik tunngavilik nutaaq, Comby-mit ikkussorneqartoq iluatsissimanngilaq, KNI-p pisortaanera Claus Jensen oqarpoq

Comby A/S-ip pisortaa ersarissumik pakatsisimasoq Brian Torp Sermitsiaq.AG-mi pingasunngormat ullaakkut allaaserisami oqaluttuarpoq Comby ´ingerlaannavik atulersumik qaammatillu arlallit akiliutissat tunngavissaqanngitsumik akilerumaneqannginnerisa kingorna ajoraluartumik Comby-p KNI A/S-imut pilersuinini tamaasa unitsittariaqarpai´.
Atuaruk: "Comby: Tatineqarnerup kingorna KNI-mut pilersuiunnaarpugut"
KNI-li malillugu tunngavissaqarluarpoq sooq suliffeqarfissuup Comby-mik suleqateqarnini naammaginngikkaa.
– Pilersuisup Comby-p KNI-mi IT-mik attavik nutaaq atorsinnaatissimanngilaa. Systemi nutaaq sukkanerulersussaagaluarpoq, sukkaannerulersimavorli. Taamaattumik KNI-p qullersai aalajangerput attavik atorsimasaq uterfigeqqinneqassasoq, KNI-p pisortaanera Claus Jensenb nassuiaavoq nangillunilu:
– Comby ´attaveerutsitsimmat´ tamatuma kingunerisimavaa sivikinnerusumik ingerlatsinermi akornuserneqarnerit. Neriuppugut atuisartutta isumakkeerfigissagaatigut suli annertunerusunik iluarsisassaqassappat.
Pissutsit pissutigalugit KNI-p qullersai aalajangerput attaveqaammut siusinnerusukkut atorsimasaminnut MPLS-imik tunngavilimmut uterniarlutik. Tamanna sivikinnerusumik sunniuteqarsimavoq pisisa.gl-imi, Pilersuisum Polaroil-imilu kiisalu suliffeqarfissuup niuertarfiini qullersaqarfianilu.
Eqqartuussivikkoortillugu
Eqqartuussivikkoortitsinissaq tullinnguuppoq. Illua'tungeriit isumaqatigiissutaat ukiunut sisamanut atuuppoq 31 millioner koruuninillu naleqarluni.
Isumaqatigiissut KNI-p atorunnaarsikkusuppaa - aamma tunngavigalugu ataasinngornermi septembarip 30-anni Comby ´attaveerutitsisimammat´, tamatumalu kinguneranik e-mi niuerfimmut Pisisaq.gl-imut, niuertarfinnut allanut KNI-llu qupperneranut nittartakkamut attaveerulluni.
– Systemimik sukkanerusumik ingerlalersussamik pisisimavugut, sikkaannerulersimavorli. Piffissami sivisuumi Comby aaqqiissutissamik isumaqatigiinniarfigisimavarput tamatumalu ingerlanerani akiliutissavut uninngatissimallugit, tassa Comby isumaqatigiissut malillugu pilersuinngimmat. Tamanna Combyp kissaatigisimanngilaa. Combyp suleqatigiinneq kipitippaa, piumasariniarparpullu isumaqatigiissutip atorunnaarsinneqarnissaa, sumiginnarneqarnera pissutigalugu. Takusinnaasarput malillugu ADSL-imik it-systemi nutaaq neriorsuutigineqartutut iluaqutaanerulersimanngilaq. KNI-mik atuisartunut illersorsinnaanngilarput aningaasartuutit 31 millioner koruuninik amerleriarnissaat, it-mik pitsaanerusumik kinguneqanngitsumik, Claus Jensen oqarpoq.
– Eqqornerusutut isigaarput suliap ineriartornerata utaqqinissaa, kisitsisinik saqqummiussitinnata Combyp pilersuinnginneratigut KNI qanoq amerlatigisunik annaasaqartoq.
Pilersuisumik Comby-mik isumaqatigiissut 2012-mi maajimi isumaqatigiissutigineqarpoq, taamanikkut KNI sinnerlugu aningaasanut pisortamit kisimiilluni, KNI-p pisortaanera oqarpoq.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER