Skip to main content

Pigineqarpoq: Inatsisilerituunngorniarnermut stipendia - Ujagaq: Qinnuteqartut soqutiginnittut

Sulisitsisut peqatigiiffiat Nusuka ilinniarnertuumik ujarlerpoq Akureyri Universitetimi inatsisilerituutut ilinniarnissamut stipendiamik perusuttumik

Stipendia akunnaallillugu 750.000 koruuninik aningaasartaqarpoq ukiunilu pingasuni atuulluni, tassa ilinniartup ilinniagaqarnera, atuakkat kiisalu ineqarnermut aningaasartuutit akilerneqassallutik. Ilanngullugulu Nusuka-p pisariaqartut inissilerpai, taamaasilluni ilinniagaqartoq ilinniagaqarnermi nalaani aamma Nunatsinni ilinniagaqarnersiutinik pisinnaanngorlugu.
Stipendia tunniunneqarsimavoq islandimi kattuffimmi Arctic Law Organisation-imi, Nusuka-p suleqatigisaani, ilaasortanit nuimanernit.
– Periarfissatsialassuuvoq. Siullermeersumik stipendiamik taamaattumik neqeroorfigineqarpugut. Piumasaqaatituaavorlu GU-mi karakterigissaarsimanissaq, minnerunngitsumik tuluit oqaasiini, aammalu ukiuni pingasuni ilinniarusussuseqarnissaq, Nusukap siulittaasua Gerth B. Lynge oqarpoq.
Soqutiginnittut piaarnerpaamik saaffiginnissapput uunga nusuka@greennet.gl.
Ilinniagaqarneq aallartissaaq aggustip 26-anni, Gerth B. Lyngelli erseqqissarpaa ulloq kinguartinneqarsinnaasoq qinnuteqarnissamut piffissap sivikippallaarnera pissutigalugu.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER