Skip to main content

Islandimut sungiusariassapput

Kalaallit Nunaanni Assammik Arsartartut Kattuffianni siulersuisuni eqqissisimanngitsoqaraluartoq angutit nunanut allanut unammisartut piareersarnitik pilersaarutigineqartutut ingerlappaat

Sivisuumik kissaatigineqartarsimavoq nunanut allanut unammisartut tamarmiullutik sungiusaqatigiinnerni assigiinngitsuni peqataasarnissaat. Sungiusaqatigiittarnerpassuarni kingullerni Nunatsinni unammisartut Nunatsinni sungiusaqatigiittarsimapput, qallunaallu klubbiini unammisartut Danmarkimii sungiusaqatigiittarsimallutik.
Tamanna pitsaanerpaamik sungiusaqatigiinnissamut periarfissiinngilaq, aningaasalli pissutigalugit taamaattariaqartarsimalluni. Sapinngisamik piareersarluarumalluni tullianik katersuutissapput Islandimi aggustip aallaqqaataaniit sisamaannut, unammisartut tamarmiullutik katersuutissallutik, Nuummi Danmarkip U-21-mi unammisartuinut unamminerni angusarissaarnerit nangitseqartinniarlugit.
Sungiusaasup Niels Møllerip unammisartut 15-it Islandimi sungiusaqatigiittussat makkua toqqarpai:
Michael Lukasc, Stadion
Minik Dahl Høegh, GOG
Akutaaneq Kreutzmann, GOG
Rasmus Larsen, Otterup
Jakob Larsen, GOG
Aqqaluk Sørensen, Aarhus Håndbold
Angutimmarik Kreutzmann, Nordsjælland Håndbold
Miilu Rosing, GSS
Andreas Lorentzen, GSS
Nuka Heilmann, GSS
Miki Heilmann, GSS
Lars Kjølby, NUK
Danni Brandt, GSS
Nunno Lars Olsen, N48
Eqalunnguaq Kristiansen, GSS

Sungiusaqatigiinnissaq Nuummi unamminertut Amerikap Nunavissuani Pissartanngorniunnermut anngunniulluni unammiuaarnissamut piareersarnerit ilagaat.

Kalallit Nunaanni Assammik Arsartartut Kattuffiata nunat tamalaat anngunniunnissarsuannik aaqqissuussisutut tunuartariaqarnerata kingorna suli aalajangiunneqanngilaq unammiuaarneq sumi ingerlanneqassanersoq.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER