Skip to main content

Mattussineq qallunaat tusagassiorfiisa avoqqaaraat

Politiken-imi Weekendavisen-imilu pingaarnerusutut allaaserisani Naalakkersuisut siulittaasuata Issittumi Siunnersuisoqatigiinni ministerit ataatsimiinnerannik mattussinera avoqqaarineqarpoq 

Aviisinik ullormut saqqummersartunik Politiken-imik Weekendavisen-imillu atuartartut tallimanngormat atuarsinnaavaat Naalakkersuisut siulittaasuata Aleqa Hammondip, Siumut, isornartorsiorneqarnerujussua, naluneqanngitsutut sapaatip akunnerani siusinnerusukkut Issittumi Siunnersuisoqatigiinni ministerit Sverigemi Kirunami ataatsimiinnerannik mattussinerata kingorna.

- Naalakkersuisut Siumukkormiut nalusutoornerat pissutigalugu Canadap EU mattuppaa, tamatumani Kina allallu isertinneqarlutik. Tassami qanga EU-parlamentip pissaanilissuaqalernissamik sinnattuni pissutigalugu nunarsuaq tamakkerlugu puisit amiinik niuerneq aserorpaa, matumanilu namminerminit nukittunerusumik kiisami naapitsivoq. Ilinniagassartaali tassaavoq malinnaasoqartariaqartoq nukittuunik peqateqassagaanni ajugaallunilu. Ilisimaneqanngilaq Kalaallit Nunaata tamanna sapissannginneraa, Weekendavisen aviisip pingaarnerusutut allaaserisaata aappaani allappoq.

Pingaarnerusutullu allaaserisaq nangippoq:

- Pineqarsimagunarpoq Qallunaat Naalagaaffeqatigiivi ataatsimiinnernut ataatsimut qaaqquneqarsimammata - siusinnerusutut qallunaat siulittaasuuffianni - Danmark, Kalaallit Nunaat Savalimmiullu tamarmik immikkut qaaqquneqaratik. Ataatsimiinnermili Naalagaaffeqatigiinnut issiaviit pingasut inniminnerneqarsimagunarput, taamaattumik immaqa Hammond matumani imminut pisarivoq.

Atuaruk "Taasisitsinermi amerlanerussutillit: Mattussineq sianiilliorneruvoq"

Kalaallit Nunaat annaasassarujussuaqarpoq
Politiken-ip aamma kalaallit mattussinerat uparuarpaa:

- Ajuusaarnarpoq Aleqa Hammondip ataatsimiinneq mattummagu, pissutigalugu Sverigemi siulittaasuuffiup suliassaq, siunnersuisoqatigiinni qangali ippinnartinneqarsimasoq, tassa namminersorlutik oqartussaqarfiit soorlu Kalaallit Nunaat ataatsimiinnerni immikkut sinniisoqartassanersut, naammassiumanngimmagu imaluunniit naammassisinnaanngimmagu.

- Kalaallit Nunaata - Danmarkillu - tamatumani kissaatigisaat Issittumi Siunnersuisoqatigiinni ilaasortanit allanit akuerineqanngikkaluartoq siunnersuisoqatigiinni ministerit ukioq allortarlugu ataatsimiittarneranni Kalaallit Nunaat peqatanissaminut pingaarutilimmik soqutigisaqarpoq. Tamanna atuuppoq qallunaat ataatsimiinnermi qassinilluunniit inissaqaraluarpat. Kalaallit Nunaat ataatsimiinnernit aalajangiiffiusunit peqataannginnermigut annaasassarujussuaqarpoq pissarsiassaqarnanilu, Politiken ilaatigut allappoq.

Issittumi Siunnersuisoqatigiinni ministerit ataatsimiinnerannik Kalaallit Nunaata mattussinera pillugu Sermitsiaq.AG-p allaaserisai tamaasa atuakkit uani

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER