Skip to main content

Nunat avannarliit tamarmik finalimut anngupput

Semifinalit aappaata ingerlanneqarnerata kingorna nunat 26-it nunat tamalaat melodi grand prix finalernissaannut annguttut nassaarineqarput 

Sisamanngormat unnukkut Malmømi Eurovision-imi semifinalit aappaat ingerlanneqarmat arnat kunissuupput, kjuulerujussuarnik atortoqarluni, imigassaq nersorniarneqarluni erinarsukkallu arlallit nunat namminneq oqaasii atorlugit atorneqarlutik.

Taasinerup kingorna nunat avannarliit tamarmik arfininngorpat finalernissamut anngupput.

Finlandimiu Krista Siegfried scenemi pikkusussuataarpoq erinaq "Marry Me" atorlugu, erinarsuullu naagamiuk arnaq tulleertut ilaat kunissorujussuarpaa. Tamanna aalajangiisuunersoq oqaatigineqarsinnaanngilaq, finalimulli annguppoq.

Aamma Island finalimut annguppoq. Eythor Ingi, islandimiutut erinarsortoq, jury-mit nuannarinnittunillu naammattunik taaneqarluni finalimut annguppoq.

Aamma Norgemiu Margaret Berger, Danmarkip ajugaanissamut unammillertiginerpaasaata ilaat, erinarsuut "I Feed You My Love" atorlugu, finalimut annguppoq.

Sisamanngormat semifinalernermi erinarsukkat taallaat uissuumminarnerit ilagaat Grækenlandimiup atugaa "Alcohol Is Free" (Imigassaq akeqanngilaq, aaqqiss.). Neqeroorut ussernartorsiornartoq finalimut ingerlaqqinnissaminut naammattunik taaneqarpoq.

Finalimut annguteqataapput Ungarn, Aserbadsjan, Georgien, Rumænien, Armenien aamma Malta.

Semifinali siulleq ingerlanneqarmat anngunnikuupput Estland, Ukraine, Holland, Irland, Litauen, Hviderusland, Moldova, Rusland, Belgia Danmarkimeersorlu Emmelie de Forest.

Finalimut, arfininngorpat nalunaaqutaq 21.00 DR1-imi aallakaatinneqartussamut ingerlaannaq anngunnikuupput Sverige, nunatut aaqqissuisuusutut, aamma Spania, Italia, Tuluit Nunaat, Tyskland Frankrigilu.

Sorleq illersorpiuk - aamma sooq?

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER