Skip to main content

Kalaallit Nunaata Sverigep siulittaasuunera akerlilersorpaa

Naalakkersuisunit alajangiunneqarpoq Kalaallit Nunaannit ministerit ataatsimiinnerannut peqataatitaqannginnissaq, kiisalu Naalakkersuisut Issittumi Siunnersuisooqatigiinni sulinertik unitsikkallaraat

Qaartartorlusooq!

Kalaallit Nunaat Issittumi Siunnersuisoqatigiit ataatsimiinnissaani peqataatitaqassanngillat, pissutigalugu Naalakkersuisut aalajangiummassuk Issittumi Siunnersuisoqatigiinni svenskit siulittaasoqarfimmik tigummigallarneranni suleqatigiinnermik unitsitsissallutik.  

Taama namminersorlutik oqartussat ataanni Siulittaasup Naalakkersuisoqarfianit tusagassiivinnut nalunaarut tupaallannartoq tutsiuppoq. 

Aalajangerneq Inatsisartuni Nunanut allanut Sillimaniarnermullu ataatsimiititaliami oqaluuserineqarpoq aamma qallunaat naalakkersuisui ilisimatinneqareerput. 

- Issittumi Siunnersuisoqatigiit aqqutigalugu suleqatigiinneq Naalakkersuisunit pingaartinneqarluinnarpoq, taamaammallu taama aalajangertariaqarsimaneq ajuusaarnartutut isigineqarluni, nalunaarummi allassimavoq.

- Issittumi Siunnersuisoqatigiinni isumaqatigiinniarluni ataatsimiittarnerni Kunngeqarfimmi Danmarkimi naalagaaffeqatigiit pingasuusut tamarmik immikkut sinniisoqartitsineranut ileqquusut maannamut atuussimasut Sverigep siulittaasuunerata nalaani atorunnaarsinneqarsimammata taama aalajangerneq pisariaqarsimavoq. 2011-mi ukiakkulli Issittumi Siunnersuisoqatigiinni isumaqatigiinniarluni ataatsimiittarnerni Kalaallit Nunaat ileqquusut avaqqullugut peqataatinneqartarsimanngilaq. Issittumi Siunnersuisoqatigiit 1996-mi pilersinneqarmalli qitiusumik isumaqatigiinniartarnerni nunarput nammineerluni sinniisoqartaraluarpoq. Kalaallit Nunaat tassaavoq Issittumi nunatuaasoq nunap inoqqaavinik innuttaassutsikkut amerlanerussuteqarfiusoq.

- Taamatut aaqqissuussigallarsimaneq Naalakkersuisuusimasunit, maannakkullu Naalakkersuisuusunit nunatsinnut naammaginartutut isigineqanngimmat siunissami Issittumi Siunnersuisoqatigiinni svenskit siulittaasoqarfimmik tigumminneranni ileqquliunneqarsimasup siunissami siulittaasoqarfissani nanginneqannginnissaa qulakkeerniarneqarsimavoq. 

Sverige nikisitassaanngilaq
- Svenskit aalajangersimasaannik allanngortitsiniarluni aqqutissat pitsaanerpaat Danmarkip, Savalimmiut Kalaallit Nunattalu tungaanniit atorneqarsimagaluartut ajornartorsiutaasup naammaginartumik qaangernissaanut nassaarniarneq iluatsittarsimanngilaq. Ulloq manna tikillugu ministerit Kirunami ataatsimeeqatigiinnissaannut nunatta peqataanissaa siunertaralugu aneriarfissarsiortoqarsimagaluarpoq, tamannali suli iluatsissimanngimmat Naalakkersuisut taama pingaaruteqartumik aalajangernissartik pisariaqartilersimavaat.

- Naammaginartumik aaqqiisoqarnissaata tungaanut Issittumi Siunnersuisoqatigiinni nunatta peqataanera unitsinneqarallarpoq.

- Kalaallit Nunaata taamatut ullumi aalajangerneraniit canadamiut siulittaasunngortussat piviusumik isumaqatiginninniarfigineqalissapput, Issittumi Siunnersuisoqatigiinni nunatta siunissami peqataaqqilernissaanut sulileqqinnissaanullu sinnaakkutit naammaginartut sukkanerpaamik qulakkeerniarlugit, Siulittaasup allattoqarfiannit tusagassiivinnut allapput.

Issittumi Siunnersuisoqatigiit Sverigemi siulittaassuuffigineqartup siulittaasoqarfia pingasunngornermi Sverigemi Kirunami ministerinik ataatsimiisitsissaaq. Issittumi Siunnersuisoqatigiit siulittaasoqarfiat Sverigemit Canadamut tunniunneqartussaalluni. 

Sermitsiaq.AG-mit Naalakkersuisut siulittaasuat Aleqa Hammond oqaaseqartinniaraluarparput iluatsitsigatali.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER