Skip to main content

GA: Ilinniartitaanerit pitsaassusaat oqimaannerusariaqarput

Sumiissuseq apeqqutaanngilaq pitsaassuserli apeqqutaalluni, taamaattumik pitsaanngilaq imarsiornermik ilinniakkat ataatsimoortinneqannginnissaat, GA isumaqarpoq

Imarsiornermik ilinniarfiit Nuummi katersuutsinnissaat piviusunngornavianngilaq, maannamut Naalakkersuisuusut aalajangiuppat, siornatigut Naalakkersuusimasut allamik januaari qaammat aalajangiussaqaraluartut. 

Nikisitseqqinneq Grønlands Arbejdsgiverforeningimit (Kalaallit Nunaanni Sulisitsisut Kattuffiat) -  GA, nuannarineqanngilaq, tassannga isumaqartoqarpoq ilinniartitaanermik aaqqissuussineq tamakkiisoq inuussutissarsiornermik piumasaqaatinik naammassinninniartariaqartoq. 

- Nuutitsinissamik aalajangernermut taamaatiinnartartut amerlanerujussuat pissutaavoq, ilaatigut ilinniakkamik ingerlatsisunik allanik attuumassutikippallaaarneq tunngaviulluni. Tamatuma saniatigut pikkorissarfissatut neqeroorutit ikippallaarput, naak imarsiornermik inuussutissarsiutilinnik ujartorneqartaraluartut. Ajornartorsiutit tamakkua kinguneraat aalisarnermik angallassinissamillu sulisinnaasunik pisariaqartunik amigaateqarnerup nassataanik sulisut naammattut pigineqanngillat. Aamma ilinniagaq aatsaat iluatsissinnaasarpoq suliffissamik nassataqarsinnaassappat, Karsten Klausen, GA-mi allattoqarfimmi pisortaq oqarpoq

- Siulllermik aalajangiussap allanngortinneranut tunngaviusimappat 'suut tamarmik Nuummissanngillat' taava GA-mit tunngaviatigut isuma taanna isumaqatigineqarpoq. Kalaallit Nunaanni tamarmi inuussutissarsiorneq sinniissuuffigaarput aamma sumiiffinni tamatigoortumik inuussutissarsiornerup ingerlanneqarnissaa oqaaseqarfigeqqammerlutigu.

- Kisianni apeqqut taanna illoqarfimmi ataatsimi inuussutissarsiornerup siuarsarneqarneranut tunngassuteqanngilaq 'Nuuk illoqarfinnut allanut naleqqiullugu'. Paarlattuanik ilinniartitaanerit pitsaanerpaat inuiaqatigiinni tamanut iluaqqutaasussat sanarfineqarnissaannut tunngavoq. Umiarsuaatillit amerlanerpaat Nuummi inissisimapput aamma Sakkutooqarfiup Nuummut nuunnera illoqarfiit pingaarnersaanni atorfissaqartinneqarsinnaasut atorluarnissaannut tunngassuteqarpoq, Karsten Klausen erseqqissaavoq. 

 

Ilinniartitaanerit ataatsimoortissigit
- Siullermik pingaarnerpaamillu Kalaallit Nunaata imarsiornermik inuussutissarsiorneq pitsaasoq pinngitsoorsinnaanngilaa, aalisarnermi taamatuttaaq imarsiornermik suliassaqarfimmi pikkorinnerpaanik sulisoqarnissaq pisariaqartinneqarpoq. Taamaattumik ilinniartitaanerup pitsanngorsarnissaanut pisariaqartitsisoqaqaaq, taamaaliornikkut imarsiortunik ilinniarluarsimasunik pissaqassagatta, taakkununnga ilanngullugit pikkorissarnissamut periarfissat. 

Immikkut ilisimasallit eqqarsaatigalugit aamma GA'mut tunngatillugu imarsiornermik ilinniarfik ataatsimoortoq Sisimiuniluunniit inissinneqarsinnaassagaluarpoq tamaani ilinniartutut inuuneq pissanganartoq aamma pilersinneqarsinnaammat.

- Pingaaruteqarpoq aalajangiisuullunilu ilinniartitaanerit katersuutsinnissaat - nukittorsarniarlugit, Karsten Klausen naqqissusiivoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER