Skip to main content

Palle C. suli Juliep inissisimaneranik nalornisitsivoq

- Á sunaaffa!  Julie Rademacher ingerlatsiviuvoq inuunani. Palle Christiansen, Demokraatit, suli Julie Rademacherip Aleqa Hammondimut tusagassiinermik siunnersortitut atorfia apeqqusersorpaa  

Sermitsiaq.AG-mit aallaaserineqarpoq Julie Rademacher suliassamut akilerneqarsimavoq, tassa Julie Rademacher (siornatigut Socialdemokratit sinnerlugit Folketingimut ilaasortaq) tassaasoq ingerlatsivik Naalakkersuisut siulittaasuata Aleqa Hammond, Siumut attaveqaqatigiinnermut siunnersorneqarnermik pisiffigisartagaa. Tamanna Palle Christiansenip assut ajualaatigaa. Kingumut nalorninarsarpaa ileqqoreqqusat, inatsisit malittarisassallu naapertorlugit sulisoqarsimanersoq. 

- Ingerlatsiviup Pilup assigaa Julie Rademacher, uanga Naalakkersuisunit akissutisiannit ersinngilaq - puigorsimassavaat taassuminnga ilisimatitsinissartik, maannakkummi Naalakkersuisut ammasuunissaq pingaarteqaat. Ajornanngippat Naalakkersuisuusimasunit tunuartunit, paasilluarsimagukkik, Palle Christiansen quiasaarerpaluttumik nipeqarpoq naak ataasinngornermi Aleqa Hammondip paragraf 37 aqqutigalugu Julie Rademacherip atorfinitsinneqarneranut akissuteqaammini apeqqutinik amerlanernik saqqummiussigaluartoq.   

- Naalakkersuisut siulittaasuannut attaveqaqatigiinnermik siunnersortimik atorfinitsitsineq tupinnartuliaanginnami? Namminersorlutik oqartussani attaveqaqatigiinnermut immikkoortortamit suliassaq suliarineqarsinnaannginnerami qaammatialunni atorfiup inuttassarsiorneqarnerata inuttalerneqarnissaatalu tungaanut? Soorunalimi aamma apeqqut apeqqutigineqartariaqartoq: Sooruna Naalakkersuisut Julie Rademacherip ingerlatsivia nutaarluinnaq allanit salliutillugu atorneqartoq? Akikinnerugami? Naalakkersuisut ingerlatsivinnit allanit neqeroorutinik pissarseqqaarpat? Naalakkersuisut allaffeqarfiata nammineq ingerlatsivik taannarpiaq toqqarpaat, aamma apeqqutaatinneqarpa Julie Rademacherip siornatigut folketingimut ilaasortaanera Siumut partii suleqatigisaa Socialdemokratit sinnerlugit, aamma Julie - akilerneqarluni immaqaluunniit ikinngutiminik sullissilluni - Siumup qineqqusaarneranut ikiuussimagunarmat, Palle Christiansen oqarpoq, taanna isumaqartoq ileqqussaasut arlallit atorneqanngitsut Aleqa Hammondip Julie Rademacherip siunnersuinermik ilisimasaanik atussalluni toqqarmagu.

Taassuma erseqqissaatigaa pisortani atorfiit inuttassarsiuunneqartarnissaannik piumasaqaat siunertaqarmat. Taanna aqqutigalugu kikkulluunniit qinnuteqarsinnaanerannik periarfissiisoqartarpoq aamma kikkut tamarmik tatigisinnaasariaqarpaat, kinaluunniit pisortani atorfeqalersoq piginnaasat aallaavigalugit atorfinitsinneqartassammat.

- Allatut oqaatigalugu tamassuma kammalaatersorneq ilaquttanullu iluaqqutaasunik iliuuseqarnernernik pinaveersaartitsineq. Neriuppugut Naalakkersuisut Julie Rademacherip atorfinitsinneqarneranut apeqqutinut puttussuuttunut pitsaasunik akissutissaqassasut - paasinarsivormi Julie ingerlatsiviusoq inuinnaanani! Akissut pitsaasoq kissaatigineqarpoq kammalaatersorneq ilaquttanullu iluaqqusiiniarnermik eqqarsaatit tamaasa nipangertinneqaqqullugit, Palle Christiansen oqarpoq.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER