Skip to main content

Kuultisiorfik akilersuinerminik unitsitsivoq

Kalaallit Nunaanni aatsitassanik piiaaffituap malugineqanngitsumik akilersuinini unitsippaa 

Kujataani kuultisiorfiup Nalunap aningaasaqarnera ima ajortigaaq, selskabi nakkutigineqalersimalluni. Eqqartuussissuserisunut nakkutilliisunut akiligassaqarfinnullu allakkatigut inerniliineq ersarippoq:

Kuultisiornermik selskabi ataanilu selskabi, avannarpasinnerusumi zinkimik ujarlertoq, aningaasaataarupput.

Taamatut ullumi sapaammi aviisi ullormut saqqummersartoq Politiken allappoq.

Aamma atuaruk: Qinersinerup inernera saqqummiunneqarmat aktiat nalingi appariarput

Aamma atuaruk: Akitsuutit misissoqqissaarneaqassapput

Aamma atuaruk: IA akitsuutinut apeqquterpassuaqarpoq

Siorna naatsorsuutigineqartoq 2015-imi aatsitassiorfinnik amerlanerusunik ammaasoqariissasoq, Kalaallit Nunaata aningaasaqarneranik annaassisussanik, Nuummi atorfilinni qitiusumik paasisaqarfiit Politiken-imut oqarput, qularnanngitsumik siusinnerpaamik ukiut 20-25-t qaangiuppata piiaaffimmik anginerusumik ammaasoqarsinnaassasoq - immaqaluunniit aallartitsisoqanngisaannassasoq.

Isumaqartoqarpoq tamatumunnga pissutaasoq Inatsisartunut qinersinissaq sioqqullugu naatsorsuutigisat piviusorpalaanngitsumik qaffasippallaarnerat, tamatuma saniatigut saffiugassat akii appariarsimapput, immikkoortorlu pingaarutilik alla tassaavoq aatsitassiorfinnut aningaasaliisut tunuarsimaalermata, Siumut inatsisit allanngortinneqarnissaannik ilimasaarilermat:

Aatsitassarsioqatigiiffiit sanaartornermi sulisussanik nunat allamiunik tusintilikkaanik akissarsiakitsunik atorfinitsitsissanngillat, annertunerusumillu akileraartassapput. Aatsitassarsiorfiit pisortaat arlallit oqarput tamatumuuna aningaasaqarneq eqqorneqassasoq.

- Tamanna isumassaqanngilluinnarpoq. Tupaallaatigeqaara politikkimit aatsitassarsiorfiit, suli piviusunngoqqajanngitsut, annertunerusumik pissarsiffiginiarneqarmata, Jonathan Downes, Avannaani zinkimik piiaaffimmik suliniummi pisortaq oqarpoq - taannalu aatsitassarsiorfiit pisortaasa oqaaseqarusuttut ikittut ilagaat.

Aviisimi ullormut saqqummersartumi Politikenimi allaaserisaq tamaat atuarsinnaavat uani

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER