Skip to main content

Angutimmarik Danmarkimut uterpoq

Assammik arsartartoq Angutimmarik Kreutzmann sæsonimi tullermi Nordsjælland Håndbold-imi unammisartunngussaaq  

Assammik arsartartoq Angutimmarik Kreutzmann Sverigemi OV Helsingborgimi sæsonit marluk, sæsonilu ataaseq Tysklandimi Eintracht Hildesheimimi unammisartooreerluni maanna qallunaat nunaanni unammisartunngoqqippoq.

Angutimmarik Kreutzmann ligamit appariartumik Nordsjællands Håndboldimik ukiumut ataatsimut isumaqatigiissuteqarpoq. Klubbip håndboldligamut anngunniulluni unamminissat anguniarpai, allanilli klubbeqarpoq anngunniarusuttunik, taamaattumik Angutimmarik Kreutzmann tamaviaartassaqaaq.
Sæsonillu tulliani ligamut qaffariarnissaminut Nordsjællands Håndbold suli periarfissaqarpoq, tassa sapaatit akunnerini aggersuni aalajangerneqassammat Viborgip holdini ilaajunnaarsissaneraa, taamaasiussappallu Nordsjællands Håndbold Håndboldliga-miiginnassaaq.

Ian Marko Foghimik suleqateqarnini nangissavaa
Qallunaat nunanut allanut unammisartorisimasaata Nordsjællands Håndboldimi sungiusaasup Ian Marko Foghip Angutimmarik Kreutzmann klubbimut pisissimavaa.

- Sumut pissallunga nalunngilara, tassami ukiuni marlunni OV Helsingborgimiinninni Ian Marko Fogh sungiusaasorisimavara, taamaattumik suleqatigeeqqilernissarput qilanaaraara, Angutimmarik Kreutzmann naammagisimaarinneqisoq Sermitsiaq.AG-mut oqarpoq, nangillunilu:

- Tysklandimiinnera aallartilluartorujussuusimavoq. Ajoraluartumik oktbarimi isikkama aappaanik ajoquserpunga pilatsillungalu. Pilatsinnera takorloorsinnaasannit sualunnerusimaqaaq, qujanartumilli maanna piareeqqippunga.

- Neriuppunga tuluujuaqqami normu 34 atuinnassallugu. Aatagigaluannut 1934-mi inunngorsimasumut, meeraagallarama ilagisarsimasarujussuannut eqqaaniutigalugu. Taamaattumik ukiorpassuarni normu 34 atoreersimallugu ajorinngeqaara, Angutimmarik Kreutzmann Sermitsiaq.AG-mut oqarpoq.

Angutimmarik Kreutzmannip tullianik suliassaa annertooq tassaavoq Nuummi Danmarkip U-21-mi nunanut allanut unammisartuinut unamminissaq.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER