Skip to main content

Julie R suliassamut akilerneqarsimavoq

Siullermik tusagassiorfinnut ataqatigiissaarisuuvoq, kingorna taamaannginnerarneqarpoq, taavalu atorfia inuttassarsiorneqarpoq, maannalu Naalakkersuisut oqarput Julie Rademacher namminersorlutik oqartussani atorfinitsinneqarsimanngitsoq 

Julie Rademacherip akissarsiaata allagartaani qanorpiaq atorfeqarnersoq naluarput, maannali Naalakkersuisut Palle Christiansenimut, Demokraatit, akissumminni erseqqissaapput Julie Rademacher Aleqa Hammondimut tusagassiortunut ataqatigiissaarisuunngitsoq.

Palle Christiansen paragraf 37 naapertorlugu apeqquteqarpoq, qulaajarlugu paaserusukkamiuk Julie Rademacher qanorpiaq atorfeqarnersoq.

Suliassaq aallartippoq Namminersorlutik Oqartussat tusagassiorfinnut nalunaaruteqarmata Julie Rademacher, Socialdemokraterne sinnerlugut Folketingimut ilaasortaasimasoq, Naalakkersuisut siulittaasuannut Aleqa Hammondimut tusagassiorfinnut ataqatigiissaarisutut atorfitsinneqarsimasoq.

Toqqaannartumik allassimavoq:

- Tusagassiorfiit Naalakkersuisunut attaveqassagaangamik tamanna pissaaq tusagassiorfinnut ataqatigiissaarisoq Julie Rademacher aqqutigalugu.

Tamanna pivoq apriilip 19-ianni.

Atorfinitsitseriaaseq sammineqalermat ilaatigut Palle Christiansenip, D, apeqquserpaa malittarisassat atuuttut malillugit atorfik inuttassarsiorneqarsimanersoq. Ilanngullugu Julie Rademacherip akissarsiaqartinneqarnera apeqquserpaa.

Julie Rademacherip atorfeqarneranut pissutsinik nassuiaateqartitsiniarluni Sermitsiaq.AG-p Søren Stach Nielsen, naalakkersuisoqarfimmi pisortaagallartoq, saaffigimmagu sumilluunniit qisuariartoqanngilaq. Taarsiullugu Julie Rademacherip atorfia, Julie Rademacherip tusagassiorfinnut ataqatigiissaarisutut atorfeqalersimaneranik tusagassiorfinnut nalunaaruteqarnerup kingorna ullut qulit qaangiuttut, inuttassarsiorneqalerpoq.

Aamma atuaruk: Tusagassiorfinnut ataqatigiissaarisutut atorfik nalornissutigineqartoq

Taamaattumik Palle Christiansen apeqquteqarpoq Julie Rademacher qanga atorfimmut ikkussimanersoq.

Ulloq suna atorfinitsinneqarsimanersoq Palle Christiansen akineqanngilaq, akerlianillu Naalakkersuisut siulittaasuat Aleqa Hammond allappoq attaveqarnermut siunnersuinermikingerlatsivik Pilu isumaqatigiissuteqarfigineqarsimasoq Naalakkersuisut inissinneqarneranni siunnersuisussatut. Tassa imaappoq, Julie Rademacher Pilu-mit akilerneqarsimavoq Aleqa Hammondimik siunnersuisussatut.

Tamatumunnga atatillugu Pilu-p aningaasartuutai Naalakkersuisut akilertarpaat.

 

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER