Ajutoortoqarmat sulluliaq akunnerni marlunni matoqqavoq
Tallimanngormat ualikkut Nuup Nuussuullu akornanni sulluliami biilertup biilini aqussinnaajunnaarlugu inummik aporsivoq
Assakaasut masannerat qerinnarneralu pissutigalugu qujarlanngitsumillu sukkavallaamik ingerlaneq pissutigalugu tallimanngormat ualikkut Nuup Nuussuullu akornanni sulluliami inuk biilimik aporneqarpoq.
Biilertup biilini aqussinnaajunnaarpaa sulluliallu sinaa attupillakkamiuk iluarseriaraluarlugu aqquserngup illua'tungaanut ingerlaqqippoq pisuinnarlu aporiarlugu biili kaajallappoq unillunilu.
- Sulluliaq akunnerit marlungajaat, 15.40-miit 17.20-mut, matoqqavoq, Nuuk Politiini pigaartuusoq Sermitsiaq.AG-mut oqaluttuarpoq.
Tallimanngormat unnukkut suli paasisinnaasimanngilarput angut aportittoq qanoq innersoq. Ilisimmaarissimavoq tallimanngormallu ualikkut scannerneqartussaasimalluni.
Biilertoq ilaasuilu, arnaq meerarlu, tuparujussuaannarput, biilili ajoqusersimangaarmat kalillugu peerneqartariaqarsimavoq.