Skip to main content

Tumit Production ukioq manna filmiliornermi nersornaaserneqarpoq

Aka Hansen aamma Malik Kleist filmiliortartoqatiminnit nersorneqarput, taamaasillutillu nersornaammik pilersinneqaqqammersumik, ukiut tamaasa tunniunneqartartussamik, siullersaallutik nersornaaserneqarlutik 

Aka Hansen aamma Malik Kleist, Tumit Production-imeersut, sapaatiummat filmiliortartoqatiminnit nersorniarneqarput, filmiliornermi nersornaat "Innersuaq" Nuummi Katuami tunniunneqaqqaarmat.

Kommuneqarfik Sermersuup borgmesteriata Asii Chemnitz Narupip, Inuit Ataqatigiit, filmiliornermi nersornaat tunniuppaa, tunniussinnginnerminilu imatut oqaaseqarpoq:

- Nersornaat erniinnaq tunniussassara Innersuarmik taaguutteqarpoq. Nersornaat sananeqarsimavoq qiperuisartumit Kujuumit, Peter Kristiansenimit. Kujuup qiperukkani atsersimavaa Innersuaq. Aqqa oqaluttuatoqqameersuuvoq, tamakkua sissap ataani uumasuusimalllutik. Innersuit assigiinngitsunik piginnaasaqarput, toornaasinnaapput, akornusersuisinnaallutillu. Sissap killinganit qanoq atsitsigisumit najugaqarnerat apeqqutaalluni ilaat qingaqarput, ilaallu qingaqaratik. Innersut qajartullaqqissuupput, inuit ikiorsinnaavaat, inuillu ersiortissinnaavaat. Filmit pitsaanersaagunik aamma taamaassinnaapput, taamaattumillu nersornaat taaguuteqarpoq "Innersuaq". Nersornaat Kalaallit Nunaanni filmiliornermi ilaasortamut torrallaasimasumut tunniunneqartassaaq.

Tunngavilersuut:

Film.gl-imi siulersuisut aajangiisimapput filmiliornermi nersornaammik siullermik nersornaaserneqassasoq filmiliornermik selskabi, filmilianik arlalinnik malunnaatilinnik angisuunillu sanasimasoq.

Film.gl-imi siulersuisut naapertorlugit angisuunik filmiliornermi saniatigut selskabip piginnaasalinnik saqqummersitsisimavoq, filmiliortartunik filmiliornermilu assiliisartunik - taamatuttaarlu pingaaruteqartigisumik filmiliortittartunik, isiginnaartitsillaqqissunik takutissimalluta.

- Filmiliornermik selskabi piukkunnaatilinnut arlalinnut aqqutissiuussisimavoq, tamakkualu Kalaallit Nunaanni filminik nutaarpassuarnik pilersuilernissaat qilanaaraarput, siulersuit allapput.

Katuami nersornaammik tunniussinermi inuit 80-it missaanniittut najuupput.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER