Skip to main content

Peqatigiiffik Nuummi uumasunut nakorsartaaqqusivoq

Uumasunut nakorsaqarnissaq qineqqusaarutaavoq, maanna peqatigiiffiup pilersinneqaqqammersup piumasaraa politikerit qineqqusaarutitik piviusunngortissagaat 

- Nuummi uumasuutillit juunip aallaqqaataani uumasunut nakorsaarutissapput, taamaattumik peqatigiiffik Nuummi Uumasut aallartipparput, ulapputissaqarsoraagullu. Kommunimut qineqqusaarnermi uumasunut nakorsaqarneq qassiiliuutigineqarpoq, maannalu kommunimi politikerit peqqorusuppavut uumasut nersutaateqarnermik suleqatigiinnissamik neriorsuutertik attateqqullugu, Nuummi Uumasut siulittaasuat Tom Amtoft oqarpoq.

- Innuttaasutut immaqa eqqarsaatigineqarneq ajorpoq uumasut nakorsaqarnissaq qanoq pisariaqartigisoq, nammineq uumasuut napparsimaleriataanngippat imaluunniit uumasut nakorsaannik atorfissaqartitsileriataanngippat, ukiorpassuarnili piumassutsimik Uumasut Ikinngutaanni sulereerlunga misigisimasimavunga piffissanngorsimasoq peqatigiiffimmik nutaamik pilersitsinissamut, ataavartumik uumasut nakorsaqalernissaanik qulakkeerinnittussamik. Uumasut Ikinngutaat suleqataalluartuupput mannalu tikillugu uumasut nakorsaannik pissarsiniartarsimalluni, aningaasalertarsimallugu nakorsiartarfeqartitsisimallunilu. Tamannali Uumasut Ikinngutaata suliassarinngilaaa, taamaattumillu aaqqissuussineq unitsinniarlugu. Uumasut Ikinngutaata uumasut inuttaqanngitsut isumagissavai, piumassutsiminnillu sulisut nukii uumasut tamakkua paarinissaannut atorneqassapput, taamaattumik Nuummi Uumasut pilersipparput, Lene Madsen, peqatigiiffimmi siulittaasup tullia oqaluttuarpoq.


Apriilip 30-anni peqatigiiffik Nuummi Uumasut pilersinniarlugu ataatsimeersuartoqarpoq. Peqataasut 23-upput, tamakkua ilagalugit Demokraatineersoq Justus Hansen IA-meersorlu Malene Lynge, Kommuneqarfik Sermersuumi kommunalbestyrelsimut qinigaaqqammersut.

Nuummi Uumasut siulersuisussai toqqarneqarput ataatsimeersuarnerullu kingorna inissititerniarlutik ataatsimeersuarlutik, tassanilu imatut inissititertoqarpoq: Siulittaasoq Tom Amtoft, Siulittaasup tullia Lene Madsen, Aningaaserisoq Pani Kriegel, kiisalu siulersuisunut ilaasortat: Tillie Martinussen, Erik. H. K. Heilmann, Maja Lindenhann kiisalu Filip Gielda.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER