Skip to main content

Akutaaneq GOG-mut?

Ilimanarpoq Akutaaneq Kreutzmanna GOG-mi assammik arsartartut kalaallit tullerissagaat 

Aporfissarujussuaqassaaq nunanut allanut unammisartoq Akutaaneq Kreutzmann sæsonimi tullermi Danmarkimi rækkimut qaffasinnermut Håndboldliga-mut qaffassimasumut GOG-mut nuussanngippat.

Danmarkimi assammik arsarnermik soqutigisalinnut tupaallaataavallaanngilaq Akutaaneq Kreutzmannip GOG-mi unammisalernissaminik sinnattuni piviusunngortippagu. Akutaaneq Kreutzmann qaammammi kingullermi GOG-mi sungiusarsimavoq aammalu fynimiut GOG-p 40-unngortorsiorluni takutitsilluni BSV-mut unamminerani qaammatip ataatsip matuma siornatigut ingerlanneqartumi GOG-mi unammeqataavoq.

Akutaaneq Kreutzmannip Sermitsiaq.AG-mut uppernarsarpaa nammineq klubbilu pitsaasumik oqaloqatigiillutik, tamannali peqatigalugu erseqqissaalluni:

- Assammik arsarnerup silarsuaani isumaqatigiinniarnerit sivisuujugajupput. Sorpassuit inissinneqaqqaassapput isumaqatigiissuteqartoqassappat, suullu tamaasa inissivitsinnagit qanorluunniit pisoqarsinnaavoq. Isertuunneqassanngilarli GOG-mi unammisartunngornissara kissaatigisorujussuugiga, tassani unammisartunit holdimillu sulisunut tikilluaqquneqarluarsimaqigama.


Angusarissaartartoq
Akutaaneq Kreutzmann GOG-imut nuussappat kalaallit GOG-imi unammisartuusimasut tallimarissavaat. Siulliit tassaasimapput Peter Sikemsen, taavalu Jakob Larsen, Rasmus Larsen kiisalu Minik Dahl Høegh.

GOG aamma kalaallimik sungiusaasoqarpoq, tassa sungiusaasuunerup Jakob Larsenip sæsonit aappassaa holdimi sungiusaasuussagami.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER