Skip to main content

Air Greenland anorersuarmit ilungersortinneqartoq

Sisamanngornermi nal. 13 missaani nunatsinni timmisartuussinerit amerlanerpaat taamaatiinnarneqarput anorersuarluni nittaannera pissutigalugu. Ullup sinneranut pilersaarutit ima isikkoqarput  

Soorlu Nuup Bussiisa ullup qeqqata siorna angallassinini arlallit taamaatiinnarpai anorlerpallaarnera pissutigalugu, taamatuttaaq sisamanngornermi ullaakkut Air Greenland silamit akornusersorneqarpoq, timmisartuutileqatigiiffiup sineriammi timmisartuussinissaminik taamaatitsiinnartariaqarluni.  

Nal. 13 missaani Air Greenlandimi naliliineq imaappoq:

  • Timmisartorsuat kinguaattuulaarpoq, sila nalunarmat qujanartumilli aaqqiimilluni.
  • Nunatsinni timmisartortitsineq tamarluinnangajammi anorersuarneranik unitsinneqarpoq.
  • Ualimut timmisartuussinernik ingerlatsisoqarnissaa pilersaarutigineqarpoq, amerlanerpaat ornitaminnut apuussinnaaqqullugit, soorunami anori qatsuummippat aatsaat.
  • Timmisartorsuup Københavnimut ingerlaarnissaa nal. 20.30 imaluunniit 22.30 pissaaq ilaasussat tamaasa ilaatinniarlugit aammali qulakkeerniarlugu timmisartortartut qasuersertussaatitaanerat aallaavigalugu. Imaassinnaavorli Air Greenlandip ilaasussat tamaasa Kangerlussuarmut anngukkai, taakkualu nal. ak. marlussunnik utaqqisinneqassasut timmisartorsuup Københavnimut utinnginnerani. Tamatumunnga inuttat qasuerseqqaartussaanerannik inatsisit peqqutaassapput.
  • Air Greenlandimit tallimanngornermi timmisartuussinissat aaqqissuullugit aallartinneqareerput, naatsorsuutigineqartariaqarluni aallarfissat nal. ak. marlunnik kinguartinneqarnissaat.Tamanna aallaaveqarpoq Air Greenlandimit piffissaq crew-imik taaneqartartoq atorneqarpallaarmat, aamma timmisartuni aquttut saqisullu tallimanngornermi timmisartunnginnermik tungaannut qasuersaarnissamik malittarisassanik malinnittussaanerat. 

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER